Genesi

5 Heyi ndi bugu ya mafhungo a Adamu. Nga ḓuvha ḽe Mudzimu a vhumba Adamu o mu ita a tshi fana na Mudzimu.+ 2 Mudzimu o sika munna na mufumakadzi.+ Nga ḓuvha ḽe a vha sika ngaḽo,+ o vha fhaṱutshedza, a vha vhidza uri ndi Vhathu.*

3 Adamu o tshila miṅwaha ya 130, nga murahu a beba murwa ane a fana nae, wa tshivhumbeo tshi fanaho na tshawe, a mu ira dzina ḽa Sethe.+ 4 Ho no bebwa Sethe, Adamu a tshila miṅwaha ya 800. A beba vharwa na vhananyana. 5 Adamu o tshila miṅwaha ya 930, a fa.+

6 Sethe o tshila miṅwaha ya 105, nga murahu a beba Enosi.+ 7 Ho no bebwa Enosi, Sethe a tshila miṅwaha ya 807. A beba vharwa na vhananyana. 8 Sethe o tshila miṅwaha ya 912, a fa.

9 Enosi o tshila miṅwaha ya 90, nga murahu a beba Kenani. 10 Ho no bebwa Kenani, Enosi a tshila miṅwaha ya 815. A beba vharwa na vhananyana. 11 Enosi o tshila miṅwaha ya 905, a fa.

12 Kenani o tshila miṅwaha ya 70, nga murahu a beba Mahalalele.+ 13 Ho no bebwa Mahalalele, Kenani a tshila miṅwaha ya 840. A beba vharwa na vhananyana. 14 Kenani o tshila miṅwaha ya 910, a fa.

15 Mahalalele o tshila miṅwaha ya 65, nga murahu a beba Yarede.+ 16 Ho no bebwa Yarede, Mahalalele a tshila miṅwaha ya 830. A beba vharwa na vhananyana. 17 Mahalalele o tshila miṅwaha ya 895, a fa.

18 Yarede o tshila miṅwaha ya 162, nga murahu a beba Henoxe.+ 19 Ho no bebwa Henoxe, Yarede a tshila miṅwaha ya 800. A beba vharwa na vhananyana. 20 Yarede o tshila miṅwaha ya 962, a fa.

21 Henoxe o tshila miṅwaha ya 65, nga murahu a beba Methusala.+ 22 Ho no bebwa Methusala, Henoxe a bvela phanḓa a tshi tshimbila na Mudzimu wa ngoho miṅwaha ya 300. A beba vharwa na vhananyana. 23 Henoxe o tshila miṅwaha ya 365. 24 Henoxe a bvela phanḓa a tshi tshimbila na Mudzimu wa ngoho.+ Ho ngo tsha dovha a vhonwa, ngauri o vha o dzhiiwa nga Mudzimu.+

25 Methusala o tshila miṅwaha ya 187, nga murahu a beba Lamexe.+ 26 Ho no bebwa Lamexe, Methusala a fhedza miṅwaha ya 782. A beba vharwa na vhananyana. 27 Methusala o tshila miṅwaha ya 969, a fa.

28 Lamexe o tshila miṅwaha ya 182, nga murahu a beba murwa. 29 A mu ira dzina ḽa Noaxe,*+ a ri: “Onoyu u ḓo ri khuthadza kha mishumo yashu na kha vhuṱungu vhune ra vhu pfa zwanḓani zwashu nga ṅwambo wa mavu e Yehova a a sema.”+ 30 Ho no bebwa Noaxe, Lamexe a tshila miṅwaha ya 595. A beba vharwa na vhananyana. 31 Lamexe o tshila miṅwaha ya 777, a fa.

32 Musi Noaxe o no fhedza miṅwaha ya 500, a beba Semu,+ Hamu+ na Yafete.+