Dziphisalema

115 Hu si kha riṋe, Iwe Yehova, hu si kha riṋe,

Fhedzi dzina ḽau kha ḽi ṋewe vhugala+

Nga nṱhani ha lufuno lwau lu sa shanduki na u fhulufhedzea hau.+

 3 Mudzimu washu u ngei ṱaḓulu;

U ita zwiṅwe na zwiṅwe zwine a zwi funa.

 4 Midzimu yavho ya zwifanyiso ndi ya siḽiva na musuku,

Ndi mishumo ya zwanḓa zwa vhathu.+

 5 I na milomo, fhedzi a i ambi;+

I na maṱo, fhedzi a i vhoni;

 6 I na nḓevhe, fhedzi a i pfi;

I na ningo, fhedzi a i nukhedzi;

 7 I na zwanḓa, fhedzi a i fari;

I na milenzhe, fhedzi a i tshimbili;+

A hu na ipfi ḽi bvaho mikuloni yayo.+

 8 Vhathu vho i itaho vha ḓo fana nayo,+

Khathihi na vhane vha i fhulufhela.+

 9 Iwe Isiraele, fhulufhela Yehova+

Ndi ene muthusi wau na tshiṱangu tshau.+

10 Inwi vha nnḓu ya Aroni,+ fhulufhelani Yehova

Ndi ene muthusi waṋu na tshiṱangu tshaṋu.

11 Inwi vha ofhaho Yehova, fhulufhelani Yehova+

Ndi ene muthusi waṋu na tshiṱangu tshaṋu.+

12 Yehova u ḓo ri humbula, a ri fhaṱutshedza;

U ḓo fhaṱutshedza vha nnḓu ya Isiraele;+

U ḓo fhaṱutshedza vha nnḓu ya Aroni.

13 U ḓo fhaṱutshedza vhane vha ofha Yehova,

Vhaṱuku khathihi na vhahulwane.

14 Yehova u ḓo ita uri ni ande,

Inwi na vhana* vhaṋu.+

15 Ngavhe Yehova a tshi ni fhaṱutshedza,+

Ene Musiki wa ḽiṱaḓulu na ḽifhasi.+

16 Ḽiṱaḓulu ndi ḽa Yehova,+

Fhedzi ḽifhasi o ḽi ṋea vhana vha vhathu.+

17 Vho faho a vha rendi Yehova;+

Na vhoṱhe vha re vhiḓani a vha koni u mu renda.+

18 Fhedzi riṋe ri ḓo renda Yehova

U bva zwino u ya nga hu sa fheli.