Bugu Ya U Thoma Ya Koronika

15 A bvela phanḓa a tshi ḓifhaṱela dzinnḓu Muḓini wa Davida, a lugisa na fhethu hune ha ḓo dzula Mbulungelo ya Mudzimu wa ngoho na u i athela na dennde.+ 2 Davida a ri: “A hu na muthu ane a fanela u hwala Mbulungelo ya Mudzimu wa ngoho nga nnḓa ha Vhalevi, ngauri Yehova o nanga vhone uri vha hwale Mbulungelo ya Yehova na u mu shumela misi yoṱhe.”+ 3 Davida a kuvhanganya Vhaisiraele vhoṱhe ngei Yerusalema uri a gonyise Mbulungelo ya Yehova fhethu he a i lugiselela hone.+

4 Davida a kuvhanganya vhaḓuhulu vha Aroni+ na Vhalevi:+ 5 kha Vhakehati a dzhia Uriele ane a vha murangaphanḓa na miṅwe miraḓo ya muṱa ya 120; 6 kha Vhamerari a dzhia Asaya+ ane a vha murangaphanḓa na miṅwe miraḓo ya muṱa ya 220; 7 kha Vhagerisomi a dzhia Yoele+ ane a vha murangaphanḓa na miṅwe miraḓo ya muṱa ya 130; 8 kha vhaḓuhulu vha Elitsafani,+ a dzhia Shemaya ane a vha murangaphanḓa na miṅwe miraḓo ya muṱa ya 200; 9 kha vhaḓuhulu vha Vhaheburoni a dzhia Eliele ane a vha murangaphanḓa na miṅwe miraḓo ya muṱa ya 80; 10 kha vhaḓuhulu vha Usiele+ a dzhia Aminadaba ane a vha murangaphanḓa na miṅwe miraḓo ya muṱa ya 112. 11 Zwiṅwe hafhu, Davida a vhidza tshifhe Tsadoko+ na tshifhe Abiathara+ na Uriele, Asaya, Yoele, Shemaya, Eliele na Aminadaba vhane vha vha Vhalevi, 12 a amba navho a ri: “Inwi ni vharangaphanḓa vha miṱa ya vhokhotsi vha Vhalevi. Ni ḓikunakise, inwi na vhahaṋu, ni dzhie Mbulungelo ya Yehova Mudzimu wa Isiraele ni i vhee fhethu he nda i lugiselela hone. 13 Samusi ni songo i hwala lwa u thoma,+ Yehova Mudzimu washu o ri sinyutshela,+ ngauri a ro ngo tevhedza maitele o teaho.”+ 14 Ngauralo, vhotshifhe na Vhalevi vha ḓikunakisa uri vha ye vha dzhie Mbulungelo ya Yehova Mudzimu wa Isiraele.

15 Vhalevi vha hwala Mbulungelo ya Mudzimu wa ngoho nga thanda+ vho dzi vhea kha mahaḓa, samusi vha tshi tevhedza zwe Mushe a vha laya o vhudzwa nga Yehova. 16 Davida a vhudza vharangaphanḓa vha Vhalevi uri vha vhee vhahavho uri vha vhe vhaimbi vha imbe vho takala, vha tshi shumisa zwilidzo: zwilidzo zwi re na ṱhale, haripa+ na simbala.+

17 Vhalevi vha vhea Hemani+ murwa wa Yoele na vhana vha khotsi awe, Asafu+ murwa wa Berekia, wa lushaka lwa Vhamerari vhane vha vha vhahavho na Ethani+ murwa wa Kushaya. 18 Khathihi na vhahavho vha tshigwada tsha vhuvhili,+ Sakaria, Beni, Yaaziele, Shemiramothe, Yehiele, Uni, Eliaba, Benaya, Maaseya, Mathithia, Elifelehu, Mikineya, Obede-edomo na Yeiele vhalindakhoro. 19 Vhaimbi vho vha vhe Hemani,+ Asafu+ na Ethani, vho vha vha tshi lidza simbala+ dza koporo; 20 na Sakaria, Aziele, Shemiramothe, Yehiele, Uni, Eliaba, Maaseya na Benaya vho vha vha tshi lidza zwilidzo zwi re na ṱhale nga kulidzele kwa Alamothe,*+ 21 na Mathithia,+ Elifelehu, Mikineya, Obede-edomo, Yeiele na Azasia vho vha vha tshi ranga phanḓa musi hu tshi lidzwa haripa nga kulidzele kwa Sheminithi.*+ 22 Kenanya+ o vha a tshi ranga phanḓa Vhalevi kha mushumo wa u hwala Mbulungelo, ngauri o vha e makone, 23 Berekia na Elikana vho vha vhe vhalindakhoro ya hune Mbulungelo ya dzula hone. 24 Vhotshifhe Shebanya, Yosafati, Nethaniele, Amasai, Sakaria, Benaya na Eliesere vha lidzela nṱha phalaphala phanḓa ha Mbulungelo ya Mudzimu wa ngoho,+ Obede-edomo na Yehia na vhone vho vha vhe vhalindakhoro ya hune Mbulungelo ya dzula hone.

25 Davida na vhahulwane vha Isiraele na vhane vha ranga phanḓa vha zwigidi vha ya vha dzhia Mbulungelo ya mulanga wa Yehova ngei nḓuni ya Obede-edomo+ vha tshi khou pembela.+ 26 Musi Mudzimu wa ngoho a tshi thusa Vhalevi vho hwalaho mbulungelo ya mulanga wa Yehova, vho mu itela zwiṱhavhelo nga mbohwana dza sumbe na thutha dza sumbe.+ 27 Davida o vha o ambara tshiambaro tshi si na zwanḓa tsha labi ḽavhuḓi, khathihi na Vhalevi vhoṱhe vho hwalaho Mbulungelo, vhaimbi, Kenanya murangaphanḓa wa vhahwali vha mbulungelo na vhaimbi; Davida na ene o vha o ambara efodo ya ḽinene.+ 28 Vhaisiraele vhoṱhe vha tshi khou ḓisa mbulungelo ya mulanga wa Yehova vha tshi khou pembela,+ vha tshi khou lidza ṋanga, phalaphala,+ simbala, vha tshi khou lidzela nṱha zwilidzo zwi re na ṱhale na haripa.+

29 Musi mbulungelo ya mulanga wa Yehova i tshi swika Muḓini wa Davida,+ Mihali+ ṅwananyana wa Saulo a ṱolela nga fasiṱere, a vhona Khosi Davida a tshi khou fhufha-fhufha na u pembela; a thoma u mu nyadza mbiluni yawe.+