Yeremia

19 Yehova u ri: “Iya u renge mvuvhelo kha muvhumbi.+ U ṱuwe na vhaṅwe vharangaphanḓa vha vhathu na vhaṅwe vharangaphanḓa vha vhotshifhe, 2 u ye Govhani ḽa Murwa wa Hinomi,+ ngei muṋangoni wa Khoro ya Muvhumbi. Henefho u ḓivhadze zwine nda ḓo u vhudza. 3 U ri, ‘Ipfani zwine Yehova a amba, inwi mahosi a Yuda na vhadzulapo vha Yerusalema. Yehova wa mavhuthu, Mudzimu wa Isiraele u ri:

“‘“Ndi ḓo ḓisa khombo hu si kale henefha fhethu, nḓevhe dza vhane vha ḓo zwi pfa dzi ḓo ṱhoṱhona. 4 Ngauri vho nndaṱa,+ vha tshinya henefha fhethu.+ Vha khou ṋekedza miṅwe midzimu zwiṱhavhelo henefha, ye vhone na vhomakhulukuku wavho na mahosi a Yuda vha si i ḓivhe, vho hu ḓadza nga malofha a vhathu vha si na mulandu.+ 5 Vho fhaṱa fhethu ha vhurabeli ha Ba⁠ali, uri vha fhise vharwa vhavho muliloni uri vha vhe zwifhiwa zwa u fhiswa zwa Ba⁠ali,+ zwithu zwe ndi si vha laye kana u vha vhudza na zwi sa athu u vhuya zwa ḓa muhumbuloni wanga.”’+

6 “‘“Nga zwenezwo, hu ḓo ḓa maḓuvha,” u ralo Yehova, “ane ngao henefha fhethu hu si tsha ḓo vhidzwa u pfi Thofethe kana Govha ḽa Murwa wa Hinomi, fhedzi hu ḓo vhidzwa Govha ḽa Bulayo.+ 7 Ndi ḓo thithisa ma⁠ano a Yuda na a Yerusalema henefha fhethu, ndi ḓo ita uri vha vhulawe nga banga ḽa maswina avho na u vha kumedzela zwanḓani zwa vhane vha ṱoḓa u vha vhulaya. Zwitumbu zwavho ndi ḓo zwi ṋe⁠a zwiṋoni na zwivhanda uri zwi vhe zwiḽiwa zwazwo.+ 8 Ndi ḓo ita uri wonoyu muḓi u vhe fhethu hu ofhisaho na fhethu hu goḓiwaho.* Ane a fhira khawo u ḓo u lavhelesa a tshuwa, u ḓo goḓwa nga nṱhani ha zwoṱhe zwe zwa u wela.+ 9 Ndi ḓo ita uri vha ḽe ṋama ya vharwa vhavho na ya vhananyana vhavho, muṅwe na muṅwe u ḓo ḽa ṋama ya muhura wawe, ngauri vha ḓo vha vho tangiwa, vho hangane⁠a musi vho tangwa nga maswina avho na vhane vha ṱoḓa u vha vhulaya.”’+

10 “U kwashe mvuvhelo phanḓa ha vhanna vhe wa ṱuwa navho, 11 u ambe navho u ri, ‘Yehova wa mavhuthu u ri: “Heyi ndi nḓila ine nda ḓo kwasha ngayo vhathu vha hoyu muḓi, u fana na muthu ane a kwasha mudzio wa muvhumbi uri u si tsha dovha wa vhumbe⁠a; vha ḓo vhulunga vhafu ngei Thofethe u swika hu si tsha vha na fhethu hune vha nga vhulungela hone.”’+

12 “‘Ndi zwine nda ḓo ita afha fhethu,’ u ralo Yehova, ‘na kha vhadzulapo vhawo, uri uyu muḓi u nge Thofethe. 13 Na nnḓu dza Yerusalema na dza mahosi a Yuda dzi ḓo vha fhethu hu songo kunaho vhunga Thofethe,+ na ṱhanga dza nnḓu dzoṱhe dze vha ṋekedza zwiṱhavhelo kha mavhuthu oṱhe a ṱaḓulu+ na hune vha shululela hone miṅwe midzimu zwifhiwa zwa u nwiwa.’”+

14 Musi Yeremia a tshi vhuya ngei Thofethe he a vha o rumiwa nga Yehova uri a porofite hone, o ima muṱani wa nnḓu ya Yehova, a amba na vhathu vhoṱhe a ri: 15 “Yehova wa mavhuthu, Mudzimu wa Isiraele u ri, ‘Ndi ḓisa khombo ye nda amba nga hayo kha wonoyu muḓi na kha miḓana yawo yoṱhe, ngauri vho ita tshikhuna vha hana u thetshelesa zwe nda amba.’”+