Dziphisalema

9 Iwe Yehova, ndi ḓo u renda nga mbilu yanga yoṱhe;

Ndi ḓo amba nga ha mishumo yau i mangadzaho.+

 2 Ndi ḓo u pembelela ndo takala;

Ndi ḓo imbela dzina ḽau thendo, Iwe Wa-Ṱaḓulu-ṱaḓulu.+

 3 Musi maswina anga a tshi humela murahu,+

A ḓo khukhulwa a fa phanḓa hau.

 4 Ngauri wo nndamulela nga nḓila yo teaho;

Wo dzula kha khuluṋoni yau wa haṱula nga nḓila yo lugaho.+

 5 Wo kaidza dzitshaka,+ wa fhelisa vhavhi,

Wo phumula madzina avho lini na lini.

 6 Swina ḽo fheliswa lwa tshoṱhe;

Wo phusukanya miḓi yavho,

I ḓo hangwiwa lwa tshoṱhe.+

 7 Fhedzi Yehova o dzula kha khuluṋoni lwa tshoṱhe;+

O fhaṱa khuluṋoni yawe ya khaṱhulo.+

 8 U ḓo haṱula ḽifhasi ḽoṱhe nga u luga;+

U ḓo haṱula dzitshaka nga u luga.+

 9 Yehova u ḓo vha vhukhudo kha vho tsikeledzeaho,+

U ḓo vha vhukhudo nga zwifhinga zwa khombo.+

10 Vhoṱhe vhane vha ḓivha dzina ḽau vha ḓo u fhulufhela;+

Iwe Yehova, a u nga vhuyi wa ṱutshela vhane vha u ṱoḓa.+

11 Imbelani Yehova thendo, ene o dzulaho Tsioni;

Ḓivhadzani vhathu vhoṱhe mishumo yawe.+

12 Ngauri Ane a lifhedzela malofha avho u a vha humbula;+

A nga si hangwe tshililo tsha vha tambulaho.+

13 Iwe Yehova, nkhathutshele; vhona u tambudzwa hanga nga vhane vha mmbenga,

Iwe ane wa nkhumisa khoroni ya lufu,+

14 Uri ndi kone u ḓivhadza mishumo yau yoṱhe i khoḓeaho khoroni dza ṅwananyana wa Tsioni,+

Na u takalela mishumo yau ya u tshidza.+

15 Tshaka dzo wela dindini ḽe dza ḽi bwa;

Milenzhe yadzo yo fashwa nga mambule e dza a dzumba.+

17 Vhavhi vha ḓo ya Vhiḓani,*

Na tshaka dzoṱhe dzine dza hangwa Mudzimu.

18 Fhedzi mushai ha nga mu hangwi lwa tshoṱhe;+

Na fhulufhelo ḽa vho vuḓaho ḽi ḓo dzula ḽi hone.+

20 Iwe Yehova, ita uri dzi dzhenwe nga nyofho,+

Ita uri tshaka dzi ḓivhe uri dzi tou vha vhathu zwavho. (Selah)