Dziphisalema
Kha mulangi; hu imbiwe luimbo lune lwa ri: “Maluvha A Mavolenga.”* Masikili* ya vharwa vha Kora.+ Luimbo lwa lufuno.
45 Mbilu yanga i takadzwa nga zwithu zwavhuḓi.
Ndi ri: “Luimbo lwanga lu* amba nga ha khosi.”+
Ngavhe lulimi lwanga lu tshi nga tsha u ṅwala+ tsha mukopololi* makone.+
2 Ndi iwe wo nakesaho* kha vhana vha vhathu.
Mulomoni wau hu bva maipfi a vhuthu.+
Ndi ngazwo Mudzimu o u fhaṱutshedza u ya nga hu sa fheli.+
4 U kunde u kha lunako lwau;+
Ṋamela bere yau u lwele ngoho na u ḓiṱukufhadza na u luga,+
Tshanḓa tshau tsha u ḽa tshi ḓo khunyeledza* zwithu zwi mangadzaho.
5 Misevhe yau i na vhuhali, i ita uri vhathu vha we phanḓa hau;+
I ṱhavhekanya mbilu dza maswina a khosi.+
7 Wo funa zwivhuya,+ wa vhenga vhuvhi.+
Ndi ngazwo Mudzimu wau o u ḓodza+ nga mapfura,+ a ita uri u takale u fhira maṅwe mahosi.
8 Zwiambaro zwau zwoṱhe zwi nukhelela mira, tshikhopha na muri wa mukasia;
Zwilidzo zwi re na ṱhale zwi ita uri u takale u pfamoni yau khulu yo nakiswaho nga ṋanga dza nḓou.
9 Vhananyana vha mahosi vha vhukati ha vhafumakadzi vhau vha huliswaho.
Mufumakadzi o ima thungo ya tshanḓa tshau tsha u ḽa, o ṱamiwa nga musuku wa Ofiri.+
10 Thetshelesa iwe ṅwananyana, u sendedze nḓevhe yau u pfe;
U hangwe vhathu vha hau na vha nnḓu ya khotsi au.
11 Ndi hone khosi i tshi ḓo tama lunako lwau,
Ngauri ndi yone muṋe wau,
Nga zwenezwo, i hulise.
12 Ṅwananyana wa Tiro u ḓo ḓa na tshifhiwa;
Vhanna vho pfumaho vhukuma vha ḓo ṱoḓa u takalelwa nga iwe.
13 Ṅwananyana wa khosi u pfamoni,* o naka nga maanḓa;
Zwiambaro zwawe zwo nakiswa nga musuku.
14 U ḓo ḓiswa ha khosi o ambara zwiambaro zwo lukwaho na u khavhiswa.
Vhasidzana* vha dzipheletshedzi vha a ḓiswa phanḓa hau.
15 Vha ḓiswa hu tshi khou pembelwa ho takalwa;
Vha dzhena pfamoni ya khosi.
16 Vhudzuloni ha vhomakhulukuku wau hu ḓo dzula vharwa vhau.
Wa vha ita vhakololo ḽifhasini ḽoṱhe.+
17 Ndi ḓo ita uri dzina ḽau ḽi ḓivhiwe kha mirafho yoṱhe ine ya kha ḓi ḓa.+
Ndi ngazwo vhathu vha tshi ḓo u renda lini na lini.