Dziphisalema

83 Iwe Mudzimu, u songo fhumula;+

Iwe Mudzimu, u songo dzula wa ri tshete, u si ambe tshithu.

 2 Vhona! Maswina au a khou vusa bonyongo;+

Vhane vha u vhenga vha a ḓihudza.*

 3 Vha vhambela vhathu vhau maano mavhi nga vhukwila tshiphirini;

Vha langana u lwa na vhathu vhau vhe wa vha tsireledza.

 4 Vha ri: “Iḓani ri vha fhelise vhoṱhe sa lushaka,+

Uri dzina ḽa Isiraele ḽi si tsha ḓo humbulwa na luthihi.”

 5 Vho vhamba maano;

Vho langana uri vha lwe na iwe.+

 6 Madennde a Vhaedomo na a Vhaishimaele, a Vhamoaba+ na a Vhahagari,+

 7 A Vhagibali na a Vhaamoni+ na a Vhaamaleke,

A Vhafilisita+ khathihi na a vhadzulapo vha Tiro.+

 8 Na Vhaasuri+ vho ima navho;

Vho tikedza vharwa vha Loto.+ (Selah)

 9 U vha ite zwe wa ita Vhamidiani,+

Na zwe wa ita Sisera na Yabini ngei mulambwanani* wa Kishoni.+

10 Vho fheliswa ngei Endoro;+

Vha vha manyoro mavuni.

11 Vharangaphanḓa vhavho u vha ite zwe wa ita Orebe na Siebe+

Vhakololo* vhavho u vha ite zwe wa ita Zeba na Tsalamuna,+

12 Ngauri vho ri: “Kha ri dzhie shango ḽine Mudzimu a dzula khaḽo.”

13 Iwe Mudzimu wanga, vha ite vhunga tshiṱaka tsha mipfa tshi tshi vhudzulwa nga tshiḓumbumukwe,+

Vha ite vhunga maṱanga a tshi vhudzulwa nga muya.

14 Vhunga mulilo une wa fhisa ḓaka,

Vhunga khavhu ine ya fhisa dzithavha,+

15 U vha pandamedze nga ḓumbu ḽau+

U vha tshuwise nga maḓumbu au.+

16 Vha shonise,

Uri vha ṱoḓe dzina ḽau Iwe Yehova.

17 Ngavhe vha tshi farwa nga ṱhoni na u tshuwa lini na lini;

Ngavhe vha tshi nyadziwa, vha fa;

18 Ndi hone vhathu vha tshi ḓo zwi ḓivha uri dzina ḽau ḽi pfi Yehova,+

Ndi iwe Wa-Ṱaḓulu-ṱaḓulu u woṱhe, ḽifhasini ḽoṱhe.+