Mirero

11 Zwikalo zwa u fhura zwi nengisa Yehova,

Fhedzi u takalela tshileme tsho teaho.+

 2 U ḓihudza hu tevhelwa nga u nyadziwa,+

Fhedzi vhuṱali vhu na vha ḓiṱukufhadzaho.+

 3 U fhulufhedzea ha vho lugaho ndi hone hune ha vha livhisa,+

Fhedzi vhufhura ha vhane vha vha na tshimbevha ndi hone vhune ha ḓo vha fhelisa.+

 4 Lupfumo a lu nga vhuyedzi nga ḓuvha ḽa mbiti,+

Fhedzi u luga ndi hone hune ha tshidza lufuni.+

 5 Zwivhuya zwa a sa solei zwi ḓo mu lugiselela nḓila yawe,

Fhedzi muvhi u ḓo wiswa nga vhuvhi hawe.+

 6 Zwivhuya zwa vho lugaho zwi ḓo vha tshidza,+

Fhedzi vhane vha vha na tshimbevha vha ḓo fashwa nga nyemulo dzavho.+

 7 Musi muvhi a tshi fa, zwe a fhulufhela zwi a lovha;

Na zwe a lavhelela o fhulufhela maanḓa awe zwi a lovha.+

 8 Muvhuya u ḓo bviswa khomboni,

Ha dzhena muvhi vhudzuloni hawe.+

 9 Mugunei* u tshinya muhura wawe nga mulomo wawe,

Fhedzi vhavhuya vha tshidzwa nga nḓivho.+

10 Vhuḓi ha muvhuya vhu ita uri muḓi* u takale,

Musi vhavhi vha tshi fheliswa hu a pembelwa.+

11 Muḓi u a huliswa nga nṱhani ha phaṱhutshedzo dza vho lugaho,+

Fhedzi mulomo wa vhavhi u kwasha muḓi.*+

12 Tsilu naho ḽi ḽifhio ḽi nyadzisa muhura waḽo,

Fhedzi a re na ṱhalukanyo ya vhukuma u a fhumula.+

13 Ane a tshinya vhaṅwe dzina u tshimbila a tshi ambulula tshiphiri,+

Fhedzi ane a fhulufhedzea u vhulunga tshiphiri.

14 Musi hu si na vhulivhisi vhu bvaho kha o ṱalifhaho, vhathu vha a wa,

Arali hu na vhaeletshedzi vhanzhi hu vha na u bvelela.*+

15 Ane a ḓivhofha uri u ḓo lifha mulandu une wa itwa nga mutsinda, zwi nga si mu tshimbilele,+

Fhedzi ane a iledza* u khaḓa sa nḓila ya u khwaṱhisedza u ḓo tsireledzea.

16 Mufumakadzi wa vhuthu u ḓo wana vhugala,+

Fhedzi vhanna vha tshiṱuhu vha wana lupfumo.

17 Munna wa vhulenda* u a ḓivhuyedza,+

Fhedzi wa tshiṱuhu u ḓiḓisela khombo.+

18 Muvhi u wana malamba nga vhufhura,+

Fhedzi ane a zwala mbeu ya u luga u wana malamba a ngoho.+

19 Ane a ima o khwaṱha kha zwivhuya u ḓo wana vhutshilo,+

Fhedzi ane a pandamedza vhuvhi u ḓo fa.

20 Vha mbilu dza vhufhura vha nengisa Yehova,+

Fhedzi vhane a vha takalela ndi vha nḓila i sa solei.+

21 Ḓivhani uri: Muvhi u ḓo pfiswa vhuṱungu,+

Fhedzi vhana vha muvhuya vha ḓo ponyoka.

22 Mufumakadzi wa lunako a si na ṱhalukanyo

U nga tshiṅiṋa tsha musuku ningoni ya nguluvhe.

23 Zwine vho lugaho vha zwi tama ndi zwavhuḓi,+

Fhedzi zwine vhavhi vha zwi fhulufhela zwi ita uri vha sinyutshelwe.

24 Hu na ane a ṋea nga mafunda, a fhedzisela e na zwinzhi;+

Ha vha na ane a vha na vhutshivha, a fhedzisela e mushai.+

25 A re na mafunda u ḓo pfuma,+

A homolosaho vhaṅwe na ene u ḓo homoloswa.+

26 Vhathu vha ḓo sema ane a hana na thoro,

Fhedzi vha ḓo fhaṱutshedza ane a i rengisa.

27 A itaho vhuḓidini ha u ṱoḓa zwo lugaho u ḓo takalelwa,+

Fhedzi a ṱoḓaho zwivhi, u ḓo ḓelwa nga zwenezwo.+

28 A fhulufhelaho lupfumo lwawe u ḓo wa,+

Fhedzi vhavhuya vha ḓo titima sa maṱari madala.+

29 Ane a ḓisa khombo muṱani wawe ha nga wani tshithu,+

Wa tsilu u ḓo vha mushumeli wa o ṱalifhaho.

30 Mutshelo wa muvhuya ndi muri wa vhutshilo,+

Ane a kunda vhathu o ṱalifha.+

31 Arali ngangoho o lugaho kha ḽifhasi a tshi ṋewa zwo mu fanelaho,

Na muvhi na muitazwivhi vha ḓo ṋewa zwo vha fanelaho.+