Mirero
1 Mirero ya Salomo,+ murwa wa Davida,+ khosi ya Isiraele:+
2 Yeneyi mirero yo ṅwalelwa uri muthu a wane* vhuṱali+ na ndayo;
Uri a pfesese maambiwa a vhuṱali;
3 Uri a wane ndayo+ ine ya ṋea ṱhalukanyo,
U luga,+ u haṱula nga nḓila yavhuḓi*+ na u fhulufhedzea;*
4 Uri i ṋee a si na tshenzhelo maano;+
Uri i ṋee muṱhannga nḓivho na vhukoni ha u humbula.+
5 O ṱalifhaho u a thetshelesa, a ṱanganedza ndayo yo engedzeaho;+
Munna ane a pfesesa u wana vhulivhisi ha vhuṱali+
6 Uri a pfesese murero na maambiwa a kanganyisaho,*
Maipfi a vhaṱali na thai dzavho.+
7 U ofha* Yehova ndi u thoma ha nḓivho.+
Ndi matsilu fhedzi ane a nyadza vhuṱali na ndayo.+
10 Ṅwananga, arali vhaitazwivhi vha u kunga, u songo tenda.+
11 Arali vha ri: “Iḓa ri ṱuwe roṱhe.
Ri ye u lalela vhathu uri ri shulule malofha.
Ri ḓo dzumbama ro tou shuvhama, ro lindela vhathu vha si na mulandu ri si na tshiitisi.
12 Ri ḓo vha mila vha tshi kha ḓi tshila u fana na Vhiḓa,*
Ra vha mila tshoṱhe u fana na vhane vha khou ya dindini.
13 Kha ri dzhie zwithu zwavho zwoṱhe zwa ndeme;
Ri ḓadze nnḓu dzashu nga zwe ra thuba.
15 Ṅwananga, u songo vha tevhela.
Milenzhe yau i songo ya nḓilani yavho,+
16 Ngauri milenzhe yavho i gidimela u ita vhuvhi;
Vha gidimela u shulula malofha.+
17 A zwi vhuyedzi u vhetshela tshiṋoni tshikwekwe musi tshi tshi khou u vhona.
18 Ndi ngazwo vha tshi lalela uri vha shulule malofha;
Vha dzumbama vho tou shuvhama u itela u vhulaya vhaṅwe.
19 Ndi dzone nḓila dza vhane vha ṱoḓa u vhuyelwa nga u fhura,
Dzi ḓo vhulaya vhane vha tshimbila khadzo.+
20 Vhuṱali+ ha vhukuma vhu vhidzelela vhu nḓilani.+
Vhu ṱavha mukosi vhu dzikhoroni.+
21 Vhu vhidzelela vhu mafhandeni a nḓila dzo ḓalaho vhathu.
Vhu miṋangoni ya khoro dza muḓi, vhu ri:+
22 “Inwi vha si na tshenzhelo ni ḓo litsha lini u sa vha na tshenzhelo?
Inwi vhagoḓi ni ḓo litsha lini u ḓiphiṋa nga u goḓa?
Inwi vha matsilu ni ḓo litsha lini u vhenga nḓivho?+
23 Thetshelesani ndi tshi ni kaidza.+
Ndi hone ndi tshi ḓo ni shululela muya wanga;
Ndi ḓo ni ḓivhadza maipfi anga.+
24 Ngauri ndo vhidzelela, fhedzi na ḓi hana,
Ndo imisa tshanḓa tshanga, fhedzi a hu na we a zwi ṱhogomela.+
25 No dzula ni tshi nyadza nyeletshedzo dzanga dzoṱhe
Na hana musi ndi tshi ni kaidza.
26 Na nṋe ndi ḓo ni sea musi ni tshi welwa nga khombo;
Ndi ḓo ni goḓa musi zwine na zwi ofha zwi tshi ni ḓela,+
27 Musi zwine na zwi ofha zwi tshi ḓa sa ḓumbu,
Na khombo i tshi ni wela sa ḓumbu ḽihulu,
Musi mutsiko na khombo zwi tshi ni wela.
28 Nga tshenetsho tshifhinga vha ḓo dzulela u mmbidzelela, fhedzi a thi nga fhinduli;
Vha ḓo nṱoḓa nga maṱo matswuku, fhedzi a vha nga nngwani,+
29 Ngauri vho vhenga nḓivho,+
A vho ngo nanga u ofha Yehova.+
30 A vho ngo tenda ndi tshi vha eletshedza;
Vho nnyadza musi ndi tshi vha kaidza.
31 Vha ḓo sedzana na mvelelo dzi si dzavhuḓi dza nḓila yavho,+
Vha ḓo zwimbelwa nga nyeletshedzo* yavho.
32 Ngauri vha si na tshenzhelo vha ḓo vhulawa nga vhushandukwa havho,
Matsilu a ḓo fheliswa nga u sa vha na ndavha.