Dziphisalema

145 Ndi ḓo u hulisa, Iwe Mudzimu wanga ane a vha Khosi,+

Ndi ḓo renda dzina ḽau lini na lini.+

 2 Ndi ḓo u renda ḓuvha ḽoṱhe;+

Ndi ḓo renda dzina ḽau lini na lini.+

 3 Yehova ndi muhulwane, o tewa nga u rendwa;+

Vhuhulwane hawe a vhu pfesesei.+

 4 Mirafho na mirafho i ḓo renda mishumo yau;

I ḓo amba nga ha mishumo yau ya maanḓa.+

 5 Ndi ḓo amba nga ha lunako lwau luhulu+

Ndi ḓo elekanya nga ha mishumo yau i mangadzaho.

 6 Vha ḓo amba nga ha mishumo yau i mangadzaho,*

Ndi ḓo ḓivhadza vhuhulu hau.

 7 Vha ḓo takala vhukuma musi vha tshi humbula vhuḓi hau vhuhulu,+

Vha ḓo pembela nga nṱhani ha u luga hau.+

 8 Yehova u a pfela vhuṱungu* na u khathutshela,+

Ha ṱavhanyi u sinyuwa, lufuno lwawe lu sa shanduki ndi luhulu.+

 9 Yehova ndi wavhuḓi kha vhoṱhe,+

U khathutshela hawe hu vhonala kha mishumo yawe yoṱhe.

10 Iwe Yehova, mishumo yau yoṱhe i ḓo u hulisa,+

Vha fhulufhedzeaho vha ḓo u renda.+

11 Vha ḓo ḓivhadza vhugala ha vhuhosi hau+

Vha amba nga ha maanḓa au,+

ל [Lamed]

12 U itela u ḓivhadza vhathu mishumo yau ya maanḓa+

Na lunako luhulu lwa vhuhosi hau.+

13 Vhuhosi hau ndi ha lini na lini,

Vhuvhusi hau ndi ha lini na lini kha mirafho yoṱhe.+

14 Yehova u tika vhoṱhe vhane vha khou wa+

U vusa vhoṱhe vho tsikeledzwaho.+

15 Maṱo a zwoṱhe a fhulufhela iwe;

U zwi ṋea zwiḽiwa zwazwo nga tshifhinga tshazwo.+

16 U putulula tshanḓa tshau

Wa fusha lutamo lwa tshiṅwe na tshiṅwe tshi tshilaho.+

17 Yehova o luga nḓilani dzawe dzoṱhe+

U a fhulufhedzea kha zwoṱhe zwine a zwi ita.+

18 Yehova u tsini na vhoṱhe vhane vha mu vhidzelela,+

Vhoṱhe vhane vha mu vhidza nga ngoho.*+

19 U fusha lutamo lwa vhane vha mu ofha;+

U pfa tshililo tshavho tsha u ṱoḓa thuso, a vha tshidza.+

20 Yehova u linda vhoṱhe vhane vha mu funa,+

Fhedzi vhavhi vhoṱhe u ḓo vha fhelisa.+

21 Mulomo wanga u ḓo renda Yehova;+

Ngavhe zwoṱhe zwi tshilaho zwi tshi renda dzina ḽawe ḽikhethwa lini na lini.+