Kha Vhakolosa
3 Arali no vuswa na Kristo,+ dzulani ni tshi ṱoḓa zwithu zwa ṱaḓulu, he Kristo a dzula kha tshanḓa tsha u ḽa tsha Mudzimu.+ 2 Dzulani ni tshi humbula nga ha zwithu zwa ṱaḓulu,+ hu si zwa kha ḽifhasi.+ 3 Ngauri no fa, vhutshilo haṋu ha dzumbwa na ha Kristo ngauri ndi zwine Mudzimu a zwi funa. 4 Musi Kristo, ane a vha vhutshilo hashu,+ a tshi sumbedza maanḓa awe, na inwi ni ḓo vhonala nae ni na vhugala.+
5 Nga zwenezwo, vhulayani miraḓo yaṋu+ ya fhano kha ḽifhasi ine ya vha u ḓifara luvhi nga zwa vhudzekani,* vhuyaḓa, u langiwa nga nyemulo dza u ita zwa vhudzekani,+ lutamo lwa u dzula ni tshi ita zwivhi na u vha na tseḓa, zwine zwa vha u gwadamela midzimu ya zwifanyiso. 6 Mudzimu u ḓo sinyutshela vhane vha ita zwenezwo zwithu. 7 Na inwi no vha ni tshi ita zwenezwo zwithu musi ni tshi kha ḓi tshila* u fana navho.+ 8 Zwiṅwe hafhu, ni laṱe mbiti, tsinyuwo, vhuvhi,+ maṱamba,+ ni songo amba zwa vhuḓabaḓaba.+ 9 Ni songo zwifhelana.+ Bvulani vhumuthu*+ ha kale na zwiito zwaho, 10 ni ambare vhumuthu vhuswa,+ vhune Mudzimu a ri ṋea hone musi ri tshi mu ḓivha khwine. Ndi hone vhumuthu hashu vhu tshi ḓo shandulwa ha fana na hawe.+ 11 Zwa ita uri hu si vhe na phambano kha Mugerika na Muyuda, u fumba na u sa fumba, mutsinda, Musikita,* mulanda na ane a si vhe mulanda, fhedzi Kristo u zwithu zwoṱhe kha vhoṱhe.+
12 Samusi no nangiwa nga Mudzimu,+ ni vhakhethwa vha funwaho, ambarani u pfela vhuṱungu,+ vhuthu, u ḓiṱukufhadza,+ u vuḓa+ na u sa fhela mbilu.+ 13 Bvelani phanḓa ni tshi konḓelelana na u hangwelana zwi tshi bva mbiluni+ naho muṅwe o ni khakhela.+ Vhunga Yehova* o ni hangwela zwi tshi bva mbiluni, na inwi ni ite nga u ralo.+ 14 Zwiṅwe hafhu, ni funane,*+ ngauri lufuno lu ita uri vhathu vha vhe na vhuthihi nga ho fhelelaho.+
15 Zwiṅwe hafhu, ni tendele mulalo wa Kristo u tshi vhusa mbiluni dzaṋu,*+ ngauri no vhidzelwa uri ni vhe muvhili muthihi, ni vhe na mulalo. Ni dzule ni tshi livhuwa. 16 Tendelani pfunzo dza Kristo dzi tshi ḓadza mbilu dzaṋu. Ndi hone ni tshi ḓo ṱalifha. Dzulani ni tshi funzana na u ṱuṱuwedzana nga dziphisalema,+ ni tshi renda Mudzimu nga nyimbo, ni tshi mu livhuwa, ni tshi imbela Yehova* mbiluni dzaṋu.+ 17 Zwoṱhe zwine na zwi amba kana u zwi ita, ni zwi ite dzinani ḽa Murena Yesu, ni tshi livhuwa ngae Mudzimu ane a vha Khotsi.+
18 Vhafumakadzi, ḓiṱukufhadzeni kha vhanna vhaṋu,+ samusi zwi tshi itwa nga vhane vha tevhela Murena. 19 Vhanna, dzulani ni tshi funa vhafumakadzi vhaṋu,+ ni songo vha halifhela.+ 20 Vhana, dzulani ni tshi thetshelesa vhabebi vhaṋu,+ ngauri ndi zwine zwa takadza Murena. 21 Vhokhotsi, ni songo sinyusa vhana vhaṋu,+ uri vha si ṱungufhale.* 22 Vhalanda, dzulani ni tshi thetshelesa vhaṋe vhaṋu,+ ni songo zwi itela u vhonwa uri ni takadze vhathu, fhedzi ni zwi ite nga mbilu yoṱhe, ni tshi ofha Yehova.* 23 Zwoṱhe zwine na zwi ita ni zwi ite nga mbilu yoṱhe, zwi nge ni khou shumela Yehova*+ hu si vhathu, 24 ngauri ni a zwi ḓivha uri Yehova* u ḓo ni lambedza nga ifa.+ Shumelani Muṋe waṋu Kristo. 25 Vhukuma, ane a tshinya u ḓo lifhedzelwa vhutshinyi hawe,+ ngauri Mudzimu ha ṱaluli.+