Dziphisalema
Phisalema ya Davida.
27 Yehova ndi tshedza+ tshanga na mutshidzi wanga.
Ndi nga ofha nnyi?+
Yehova ndi vhushavhelo hanga.+
Ndi nga tshuwa nnyi?
2 Musi vhanna vhavhi vha re maswina anga vha tshi mvutshela uri vha mphelise,+
Ndi vhone vhe vha khukhulwa vha wa.
3 Naho nda tangwa nga mmbi,
Mbilu yanga a i nga ofhi.+
Naho vha lwa na nṋe,
Ndi ḓo dzula ndi na fhulufhelo.
4 Ndo humbela tshithu tshithihi kha Yehova,
Ndi tshine nda tshi lila,
Ndi u dzula nḓuni ya Yehova maḓuvha oṱhe a vhutshilo hanga,+
Uri ndi lavhelese vhuḓi ha Yehova
5 Ngauri u ḓo ndzumba nḓuni yawe nga ḓuvha ḽa khombo;+
U ḓo nkhudisa vhudzumbamoni ha dennde ḽawe;+
U nnyimisa nṱha ha tombo.+
6 Ṱhoho yanga i nṱha ha maswina anga o ntangaho;
Ndi ḓo ṋekedza zwiṱhavhelo denndeni ḽawe ndo takala;
Ndi ḓo imbela Yehova thendo.
8 Mbilu yanga i nkhumbudza zwe wa nndaya wa ri:
“Ṱoḓa tshifhaṱuwo tshanga.”
Ndi ṱoḓa tshifhaṱuwo tshau, Iwe Yehova.+
9 U songo ndzumbela tshifhaṱuwo tshau.+
U songo humisa mushumeli wau wo sinyuwa.
Iwe u muthusi wanga;+
U songo nndaṱa kana u nṱutshela, Mudzimu wanga wa u tshidza.
11 Iwe Yehova, mpfunze nḓila yau,+
Ntshimbidze nḓilani yo lugaho u tshi itela maswina anga.
12 U songo nkumedzela zwanḓani zwa maswina anga,+
Ngauri ndo vutshelwa nga ṱhanzi dza mazwifhi,+
Dzi khou ntshutshedza nga u nkhuvhadza.
13 Ndo vha ndi tshi ḓo vha ndi ngafhi arali ndo vha ndi si na lutendo
Lwa uri ndi ḓo vhona vhuḓi ha Yehova ndi tshi kha ḓi tshila?+
Fhulufhela Yehova.