Yeremia
17 “Tshivhi tsha Yuda tsho ṅwaliwa nga tsha u ṅwala tsha tsimbi.
Tsho ṅwaliwa mbiluni dzavho nga tshishumiswa tshi re na ṱhodzi ya daimane
Na kha ṋanga dza aḽeṱare dzavho,
2 Ngeno vharwa vhavho vha tshi humbula aḽeṱare dzavho na thanda dzavho khethwa*+
Tsini na muri muhulu, kha zwikwara zwihulwane,+
3 Kha thavha dzi re midavhini.
Ndi ḓo ita uri thundu yau na lupfumo lwau lwoṱhe zwi thubiwe,+
Na fhethu hau ha vhurabeli nga nṱhani ha tshivhi mashangoni au oṱhe.+
4 U ḓo xelelwa nga ifa ḽe nda u ṋea ḽone nga nṱhani ha zwiito zwau.+
Ndi ḓo ita uri u shumele maswina au kha shango ḽine wa si ḽi ḓivhe,+
Une wa ḓo dzula u tshi khou duga.”
5 Zwe Yehova a zwi amba ndi hezwi:
“Muthu* ane a fhulufhela vhathu u ḓo welwa nga khombo,+
Ane a ḓitika nga maanḓa a vhathu,+
Na ane mbilu yawe ya shandukela Yehova.
6 U ḓo nga muri wo imaho u woṱhe sogani.
Ha nga ḓo vhona musi hu tshi ḓa zwithu zwavhuḓi,
Fhedzi u ḓo dzula fhethu ho omaho sogani,
Shangoni ḽi re na muṋo ḽi sa dzuli muthu.
8 U ḓo nga muri wo ṱavhiwaho tsini na maḓi,
Une midzi yawo ya navha i tshi ya mulamboni.
Musi hu tshi fhisa ha nga zwi pfi,
Fhedzi maṱari awe a ḓo dzula a tshi titima.+
Nga ṅwaha wa gomelelo ha nga vhilaeli,
Kana a litsha u aṋwa mitshelo.
9 Mbilu i na tshimbevha* u fhira zwithu zwoṱhe,+ i khombo.
Ndi nnyi ane a nga i ḓivha?
10 Nṋe Yehova, ndi ṱolisisa mbilu,+
Ndi ṱolisisa mihumbulo,*
Uri ndi ṋee muṅwe na muṅwe u ya nga nḓila dzawe,
U ya nga mishumo yawe.+
11 Vhunga khwali ine ya alamela makumba e ya si a kudzele,
Zwo tou ralo na kha ane a wana lupfumo nga u sa fhulufhedzea.*+
Lu ḓo fhela a sa athu u kalaha,
Mafheleloni a sala e tsilu.”
12 Khuluṋoni ya vhugala ye ya huliswa u bva mathomoni,
Ndi hone fhethu ha nnḓu yashu khethwa.+
13 Iwe Yehova, fhulufhelo ḽa Isiraele,
Vhoṱhe vhane vha u laṱa vha ḓo shona.
Vhane vha u* shandukela vha ḓo ṅwaliwa buseni,+
Ngauri vho laṱa Yehova, tshisima tsha maḓi a vhutshilo.+
14 Iwe Yehova, mphodze, ndi ḓo fhola.
Ntshidze, ndi ḓo tshidzwa,+
Ngauri ndi renda iwe.
15 Hu na vhane vha amba na nṋe vha ri:
“Zwe Yehova a amba zwi ngafhi?+
Kha zwi itee!”
16 Fhedzi nṋe a tho ngo litsha u tevhela iwe sa mulisa,
Kana u ṱulutshela ḓuvha ḽa khombo.
U ḓivha zwavhuḓi zwoṱhe zwe nda amba;
Zwoṱhe zwo itea phanḓa hau!
17 U songo ntshuwisa.
U vhukhudo hanga musi wa khombo.
18 Shonisa vhane vha ntovhola,+
Fhedzi u songo tenda ndi tshi shoniswa.
Vha tshuwise,
Fhedzi u songo tenda ndi tshi tshuwiswa.
Vha ḓisele ḓuvha ḽa khombo,+
U vha kwashekanye na u vha fhelisa lwa tshoṱhe.
19 Yehova o mmbudza uri: “Iya u ime khoroni khulwane* ine mahosi a Yuda a dzhena na u bva ngayo, na khoroni dzoṱhe dza Yerusalema.+ 20 U vha vhudze u ri, ‘Inwi mahosi a Yuda na vhathu vhoṱhe vha Yuda na vhadzulapo vhoṱhe vha Yerusalema vhane vha dzhena nga heyi khoro, ipfani zwe Yehova a amba. 21 Yehova o ri: “Ni ṱhogomele uri ni si hwale muhwalo naho u ufhio nga ḓuvha ḽa Savhatha kana u u dzhenisa nga khoro dza Yerusalema.+ 22 Ni songo bvisa muhwalo naho u ufhio mahayani aṋu nga ḓuvha ḽa Savhatha; ni songo shuma.+ Ni ite uri ḓuvha ḽa Savhatha ḽi vhe ḽikhethwa, samusi ndo laya vhomakhulukuku waṋu.+ 23 Fhedzi a vho ngo nthetshelesa kana u mpha nḓevhe, vho ita swili vha si nthetshelese kana u ṱanganedza ndayo.”’+
24 “‘“Naho zwo ralo, arali na nthetshelesa nga vhuronwane,” u ralo Yehova, “na si dzhenise muhwalo nga khoro dza wonoyu muḓi nga ḓuvha ḽa Savhatha, na ita uri ḓuvha ḽa Savhatha ḽi vhe ḽikhethwa nga u sa shuma nga ḽeneḽo ḓuvha,+ 25 ndi hone mahosi na vhakololo vhane vha dzula kha khuluṋoni ya Davida+ vha tshi ḓo dzhena nga khoro dza wonoyo muḓi, vho ṋamela gariki na bere, na eneo mahosi na vhakololo vhao, vhanna vha Yuda na vhadzulapo vha Yerusalema;+ vha dzula khawo misi yoṱhe. 26 Vhathu vha ḓo ḓisa zwifhiwa zwa u fhiswa,+ zwiṱhavhelo,+ zwifhiwa zwa thoro,+ zwioro zwitshena na zwiṱhavhelo zwa u livhuwa nḓuni ya Yehova,+ vha tshi bva miḓini ya Yuda, miḓini i re tsini na Yerusalema, shangoni ḽa Benyamini,+ mudavhini,+ fhethu hu re dzithavhani na ngei Negebe.*
27 “‘“Fhedzi arali ni sa nthetshelesi nga u sa ita uri ḓuvha ḽa Savhatha ḽi vhe ḽikhethwa na nga u hwala mihwalo na u i dzhenisa nga khoro dza Yerusalema+ nga ḓuvha ḽa Savhatha, ndi ḓo fhisa khoro dzawo nga mulilo, u ḓo fhisa mitsheṱo yo khwaṱhaho ya Yerusalema, a u nga dzimiwi.”’”+