Yesaya
46 Bele u a gwadama,+ Nebo u a kwatama.
Zwifuwo na zwivhanda zwo hwala midzimu yavho ya zwifanyiso,+
U fana na muhwalo une wa lemedza zwifuwo zwo netaho.
3 “Nthetsheleseni, inwi vha nnḓu ya Yakobo na inwi noṱhe vha nnḓu ya Isiraele no salaho,+
Na inwi vhe nda ni tikedza u bva tshee na bebwa na u ni hwala u bva mbumbeloni.+
4 Ni ḓo vhuya na kalaha ndi sa athu u shanduka;+
Ni ḓo vhuya na bva mmvi ndi tshi kha ḓi ni tikedza.
Sa zwe nda ḓi zwi ita, ndi ḓo ni takula, nda ni tikedza na u ni tshidza.+
5 Ni ḓo mpfanyisa na nnyi kana u nyeḓanyisa na nnyi kana na mmbambedza na nnyi,+
Uri ndi fane nae?+
6 Hu na vhane vha bvisa musuku zwipatshini zwavho;
Vha kala siḽiva kha tshikalo.
Vha thola muthu ane a ita zwithu nga tsimbi,* a ita mudzimu ngayo.+
7 Vha a u hwala vha u vhea kha mahaḓa avho;+
Vha u vhea vhudzuloni hawo, wa sokou ima henefho.
A u sudzuluwi hune wa vha hone.+
Vha a u vhidzelela, fhedzi a u fhinduli;
A u koni u tshidza muthu khomboni.+
8 Ni humbule zwenezwi uri ni vhe na tshivhindi.
Ni zwi dzhenise mbiluni, inwi vhatshinyi.
9 Humbulani zwithu zwa u thoma zwa misini ya kale,
Uri nṋe ndi Mudzimu, a hu na muṅwe.
Nṋe ndi Mudzimu, a hu na muṅwe ane a nga nṋe.+
10 Ndi dzula ndo amba u bva mathomoni zwine zwa ḓo itea,
Nda amba u bva misini ya kale zwine zwa sa athu u itea.+
11 Ndi khou vhidza tshiṋoni tshine tsha ḽa ṋama tshi bvaho vhubvaḓuvha,+
Munna a bvaho shangoni ḽa kule uri a ḓe a ite zwe nda dzudzanya.+
Ndo amba, ndi ḓo zwi ḓisa.
Ndo zwi dzudzanya, ndi ḓo zwi ita.+
12 Nthetsheleseni, inwi vhathu vha re na tshikhuna,
Inwi vha re kule na zwivhuya.
Ndi ḓo tshidza Tsioni, lunako lwanga nda lu ṋea Isiraele.”+