Yesaya
55 Iḓani, inwi noṱhe ni re na ḓora,+ iḓani ni nwe maḓi!+
Inwi ni si na tshelede, iḓani ni dzhie ni ḽe!
Iḓani ni dzhie waini na mafhi+ nga fhedzi.+
2 Ndi ngani ni tshi dzulela u renga zwine zwa si vhe vhurotho,
Ndi ngani ni tshi shumisa tshelede yaṋu* kha zwine zwi si fushe?
Nthetsheleseni zwavhuḓi, ndi hone ni tshi ḓo ḽa zwavhuḓi,+
Ni ḓo ḓiphiṋa nga zwine zwa vha na mapfura.+
3 Thetshelesani* ni ḓe ha nṋe.+
Nthetsheleseni ndi hone ni tshi ḓo tshila,
Ndi hone ndi tshi ḓo vhofha mulanga wa lini na lini na inwi+
U tendelana na lufuno lu sa shanduki lwe nda lu sumbedza Davida.+
5 Ni ḓo vhidza lushaka lune na si lu ḓivhe,
Na vha lushaka lwe lwa vha lu sa ni ḓivhi vha ḓo ni gidimela
Nga nṱhani ha Yehova Mudzimu waṋu,+ Mukhethwa wa Isiraele,
Ngauri u ḓo ni hulisa.+
6 Ṱoḓani Yehova a tshi kha ḓi wanala.+
Mu vhidzeleleni a tshee tsini.+
7 Muvhi nga a ṱutshele nḓila dzawe+
Muvhi a laṱe mihumbulo yawe;
Nga a vhuyelele kha Yehova ane a ḓo mu khathutshela,+
8 “Ngauri muhumbulo wanga a u fani na waṋu,+
Nḓila dzaṋu a dzi fani na dzanga,” u ralo Yehova.
9 “Samusi ḽiṱaḓulu ḽi nṱha u fhira ḽifhasi,
Na nḓila dzanga dzi nṱha u fhira dzaṋu
Na muhumbulo wanga u fhira waṋu.+
10 Samusi mvula na mahaḓa zwine zwa wa zwi tshi bva ṱaḓulu
Zwi sa vhuyeleli henengei zwi sa athu u ṋukadza ḽifhasi na u ita uri ḽi medze zwimela na u aṋwisa,
Na u ita uri ane a zwala a wane mbeu na ane a ḽa a wane vhurotho,
11 Zwi ḓo tou ralo na nga ipfi ḽine ḽa bva mulomoni wanga.+
Ḽi nga si vhuyelele kha nṋe hu si na zwe ḽa khunyeledza,+
Fhedzi ḽi ḓo vuledza zwiṅwe na zwiṅwe zwine zwa ntakadza,*+
Ḽi ḓo khunyeledza zwe nda ḽi rumela zwone.
Dzithavha na zwikwara zwi ḓo takala zwi phanḓa haṋu zwa fhululedza,+
Miri yoṱhe ya tsimuni ya vhanda zwanḓa zwayo.+
13 Vhudzuloni ha zwiṱaka zwa mipfa hu ḓo mela muri wa mudzhunipa,+
Vhudzuloni ha tshitondovhe hu ḓo mela muri wa muṱhala.