Vhurifhi Ha Vhuvhili Vhu Yaho Kha Vhakorinta
1 Nṋe Paulo, muapostola wa Kristo Yesu nge Mudzimu a zwi funa, ndi na wahashu Timotheo,+ ri rumela honovhu vhurifhi kha tshivhidzo tsha Mudzimu tshine tsha vha Korinta na kha vhakhethwa vhoṱhe vha re Axaya:+
2 Ngavhe Mudzimu Khotsi ashu na Murena washu Yesu Kristo, vha tshi ni sumbedza vhuthu vhuhulu na u ita uri ni vhe na mulalo.
3 Nga hu rendwe Mudzimu ane a vha Khotsi a Murena washu Yesu Kristo,+ ane a vha Khotsi wa u khathutshela+ hoṱhe na Mudzimu wa u khuthadza hoṱhe,+ 4 ane a ri khuthadza* kha milingo*+ yoṱhe, uri ri kone u khuthadza vhaṅwe+ kha milingo* yoṱhe nge ra khuthadzwa nga Mudzimu.+ 5 Ri a tambula nga maanḓa, ngauri ri vhatevheli vha Kristo,+ na nga nṱhani ha Kristo ri a khuthadzwa nga maanḓa. 6 Arali ri milingoni,* ndi uri ni khuthadzwe na u tshidzwa; arali ri tshi khuthadzwa, ndi uri ni khuthadzwe nga nḓila ine ya ḓo ni thusa u konḓelela u tambula he na riṋe ra sedzana naho. 7 Ri a ni fhulufhela vhukuma, samusi ri tshi zwi ḓivha uri ni tambula u fana na riṋe, na inwi ni ḓo khuthadzwa nga nḓila i fanaho.+
8 Vhahashu, ri ṱoḓa ni tshi ḓivha nga ha maṱungu e ra sedzana nao vunduni ḽa Asia.+ Ro vha ro tsikeledzea nga maanḓa lwe ri si kone u konḓelela nga riṋe vhaṋe, ro vha ri sa ḓivhi arali ri tshi ḓo tshila.+ 9 Ro pfa u nga ro haṱulelwa lufu. Zwenezwi zwo ri gudisa uri ri si ḓifhulufhele, fhedzi ri fhulufhele Mudzimu+ ane a vusa vhafu. 10 O ri tshidza lufuni, u ḓo ri tshidza, ri fhulufhela uri u ḓo ḓi dzula a tshi ri tshidza.+ 11 Na inwi ni nga ri thusa nga u ri rabelela.+ Arali vhanzhi vha ri humbetshela, Mudzimu u ḓo vha pfa a ri thusa, zwa ita uri vhathu vhanzhi vha livhuwe.+
12 Zwine ra zuwa ngazwo ndi hezwi: Ri na luvalo lwo kunaho shangoni, zwihuluhulu vhukati haṋu, ro vha ri vhakhethwa, ri tshi sumbedza u fhulufhedzea hu bvaho kha Mudzimu. Ro ḓitika nga vhuthu vhuhulu ha Mudzimu, hu si nga vhuṱali ha ḽino shango.+ 13 Ngauri ri ni ṅwalela nga zwine na kona u zwi vhala* na u zwi pfesesa, ndi fhulufhela uri ni ḓo dzula ni tshi pfesesa zwenezwi zwithu nga vhuḓalo,* 14 samusi na vhaṅwe vhaṋu vha tshi zwi pfesesa; vhaṅwe vhaṋu vha a pfesesa uri ndi riṋe vhane vha ita uri ni zuwe, na riṋe ri ḓo zuwa nga ha inwi nga ḓuvha ḽa Murena washu Yesu.
15 Samusi ndo vha ndi na vhungoho ha zwenezwi, ndo vha ndi tshi ṱoḓa u ḓa kha inwi lwa vhuvhili uri ni dovhe ni takale;* 16 ndo vha ndi tshi ṱoḓa u ni dalela musi ndi tshi ya Makedonia, na musi ndi tshi vhuya Makedonia, uri ni kone u mphelekedza ndi tshi ya Yudea.+ 17 Naho ndo vha ndo ḓiimisela u ita nga u ralo, a tho ngo dzhiela fhasi zwenezwi. Ndo vha ndi sa khou ṱoḓa u ita zwine nda funa, lune nda ri “Ee” nga murahu nda ri “Hai.” 18 Fhedzi ni nga fhulufhela Mudzimu uri zwine ra ni vhudza zwone a si “ee” nga murahu ha vha “hai.” 19 Ngauri Murwa wa Mudzimu, ane a vha Yesu Kristo, we a huwelelwa vhukati haṋu nga nṋe na Silvano* na Timotheo,+ ha ri “ee” nga murahu ha vha “hai,” fhedzi “ee” yawe i dzula i “ee.” 20 Hu sa londwi uri zwe Mudzimu a zwi fhulufhedzisa ndi zwinzhi, zwo vha “ee” nga ene.+ Ndi ngazwo ri tshi ri “Amen” kha Mudzimu+ nga dzina ḽawe uri ri mu rende. 21 Fhedzi ndi Mudzimu ane a khwaṱhisedza uri ri vha Kristo na uri ndi ene we a ri nanga.+ 22 O dovha a ri swaya+ na u ri ṋea muya mukhethwa+ mbiluni dzashu. Nga u ita zwenezwi, o ri khwaṱhisedza uri u ḓo ri ṋea zwine zwa khou ḓa.
23 Ndi vhidza Mudzimu uri a vhe ṱhanzi yanga, ya uri ndi sa athu u ḓa Korinta ho vha hu u ni vhavhalela. 24 A si uri ri vhusa lutendo lwaṋu,+ fhedzi ri shumisana na inwi uri ni takale, ngauri no ima nga lutendo lwaṋu.