Dziphisalema

26 Iwe Yehova, nkhaṱhule, ngauri ndo tshimbila nga u fhulufhedzea;+

Ndo fhulufhela Yehova ndi sa timatimi.+

 2 Iwe Yehova, nṱolisise, u nndinge;

Ita uri muhumbulo wanga* na mbilu yanga zwi kune.+

 3 Lufuno lwau lu sa shanduki lu dzula lu phanḓa hanga,

Ndi tshimbila ngohoni yau.+

 4 A thi konani* na vhathu vha re na vhufhura,+

Ndi iledza vhane vha dzumba zwine vha vha zwone.*

 5 Ndi vhenga u tshimbila na vhavhi,+

Ndi hana u konana* na muvhi.+

 6 Ndi ḓo ṱamba zwanḓa zwanga ndi tshi sumbedza uri a thi na mulandu,

Iwe Yehova, ndi ḓo mona na aḽeṱare yau,

 7 Ndi ite uri hu pfale ipfi ḽa u livhuwa+

Ndi ḓivhadze mishumo yau yoṱhe i mangadzaho.

 8 Yehova, ndi funa nnḓu ine wa dzula khayo,+

Fhethu hune vhugala hau ha wanala hone.+

 9 U songo mphelisa na vhaitazwivhi+

U songo mmbulaya na mavemu,*

10 Vhane vha ḓifara nga nḓila i shonisaho,

Vhane vha funa zwa tshanḓanguvhoni.

12 Mulenzhe wanga wo ima fhethu havhuḓi;+

Ndi ḓo renda Yehova ndi tshivhidzoni tshihulwane.*+