Dziphisalema
Kha mulangi; lu imbiwe hu tshi lidzwa zwilidzo zwi re na ṱhale. Masikili* ya Davida.
2 Livhisa ṱhogomelo yau kha nṋe u mphindule.+
Zwine zwa mmbilaedzisa zwi ita uri ndi si awele,+
Ndo hanganea
3 Nga nṱhani ha zwine swina ḽa zwi amba
Na mutsiko u bvaho kha muvhi.
Ngauri vha nḓisela khombo,
Nge vha ntsinyutshela vha vho mmbenga.+
5 Ndi khou tetemela, ndo tshuwa,
Ndi khou tetemela.
6 Ndi dzula ndi tshi ri: “Arali ndo vha ndi na phapha sa ḽiivha!
Ndo vha ndi tshi ḓo fhufha nda ya nda khuda.
7 Ndo vha ndi tshi ḓo shavhela kule.+
Ndo vha ndi tshi ḓo dzula sogani.+ (Selah)
8 Ndo vha ndi tshi ḓo ṱavhanya nda ya fhethu ho khudaho
Kule na ḓumbu, kule na mvula khulu.”
9 Iwe Yehova, ita uri vha ḓaḓe, u khakhise maano avho,+
Ngauri ndo no vhona khakhathi na nndwa muḓini.
10 Masiari na vhusiku vha tshimbila vha tshi mona na mbondo dzawo;
Nga ngomu hawo hu na khombo na khakhathi.+
11 Ngomu hawo wo tshinyala;
U tsikeledza na u fhura a zwo ngo vhuya zwa fhela khoroni yawo.+
12 Ngauri a si swina ḽine ḽa ngoḓa;+
Arali zwi vhe zwo ralo ndo vha ndi tshi ḓo konḓelela.
A si swina ḽe ḽa mvutshela;
Arali zwi vhe zwo ralo ndo vha ndi tshi ḓo ḓidzumba.
14 Ro vha ri tshi ḓiphiṋa nga vhukonani ha tsini-tsini;
Roṱhe ri tshi tshimbila na gogo ḽi yaho nḓuni ya Mudzimu.
15 Ngavhe vha tshi fheliswa!+
Ngavhe vha tshi tsela Vhiḓani* vha tshi kha ḓi tshila;
Ngauri vho ḓala vhuvhi.
16 A vha nṋe ndi ḓo vhidzelela Mudzimu,
Yehova u ḓo ntshidza.+
17 Nga madekwana na nga matsheloni na nga masiari, ndi khou diniwa, ndi khou gomela,+
U a pfa ipfi ḽanga.+
Vha ḓo hana u shanduka,
Vhane vha si ofhe Mudzimu.+
Maipfi awe a suvhelela u fhira mapfura,
Fhedzi ndi mabanga a vhuhali.+
Ha nga litshi muvhuya a tshi wa.*+
23 Fhedzi Iwe Mudzimu, u ḓo vha posa mugodini.+
Vhane vha vha na mulandu wa malofha na vha vhufhura a vha nga lalami.+
Fhedzi a vha nṋe, ndi ḓo fhulufhela iwe.