Dziphisalema
Masikili* ya Ethani+ wa Muesera.
89 Ndi ḓo imba nga ha lufuno lwa Yehova lu sa shanduki lini na lini.
Ndi ḓo ḓivhadza u fhulufhedzea hau kha mirafho yoṱhe.
2 Ngauri ndo ri: “Lufuno lwau lu sa shanduki lu ḓo dzula lu hone lini na lini,+
Wo khwaṱhisa u fhulufhedzea hau ngei ṱaḓulu.”
4 ‘Ndi ḓo khwaṱhisa vhana*+ vhau lini na lini,
Ndi ḓo khwaṱhisa khuluṋoni yau ndi tshi itela mirafho yoṱhe.’”+ (Selah)
5 Iwe Yehova, ḽiṱaḓulu ḽi renda mishumo yau i mangadzaho,
Tshivhidzo tsha vhakhethwa tshi ḓo renda u fhulufhedzea hau.
6 Ndi nnyi ngei lutomboni ane a nga vhambedzwa na Yehova?+
Ndi nnyi vhukati ha vharwa vha Mudzimu+ ane a fana na Yehova?
8 Iwe Yehova Mudzimu wa mavhuthu,
Ndi nnyi ane a vha na maanḓa u fana na Iwe Yehova?+
Wo tangwa nga u fhulufhedzea.+
10 Wo kwashekanya Rahaba+ zwa tou nga muthu o vhulawaho.+
Nga tshanḓa tshau tsha maanḓa wo balanganya maswina au.+
12 Ndi iwe wo sikaho devhula na tshipembe;
Thavha ya Thaboro+ na ya Herimoni+ dzi renda dzina ḽau dzo takala.
14 Zwivhuya na u haṱula nga ho teaho ndi mutheo wa khuluṋoni yau;+
Lufuno lu sa shanduki na u fhulufhedzea zwo ima phanḓa hau.+
15 Hu takala vhathu vhane vha ḓivha u lidza mifhululu.+
Iwe Yehova, vha tshimbila tshedzani tsha tshifhaṱuwo tshau.
16 Vha takalela dzina ḽau ḓuvha ḽoṱhe,
Vha huliswa nga u luga hau.
18 Tshiṱangu tshashu ndi tsha Yehova,
Khosi yashu ndi ya Mukhethwa wa Isiraele.+
19 Nga tshenetsho tshifhinga wo amba na vhathu vhau vhane vha fhulufhedzea kha bono wa ri:
21 Tshanḓa tshanga tshi ḓo mu tika,+
Tsha mu khwaṱhisa.
22 A hu na swina ḽine ḽa ḓo mu kunda,
A hu na muthu a songo lugaho ane a ḓo mu tsikeledza.+
24 U fhulufhedzea hanga na lufuno lwanga lu sa shanduki zwi khae,+
Ndi ḓo mu ita uri a vhe na nungo* nnzhi ndi tshi itela dzina ḽanga.
25 Ndi ḓo ita uri a vhuse lwanzhe
Nda ita uri tshanḓa tshawe tsha u ḽa tshi vhuse milambo.+
26 U ḓo mmbidzelela a ri: ‘U Khotsi anga,
Mudzimu wanga na Tombo ḽanga ḽi ntshidzaho.’+
28 Ndi ḓo mu sumbedza lufuno lwanga lu sa shanduki lini na lini,+
Mulanga we nda u vhofha nae u ḓo dzula u hone.+
29 Vhana* vhawe vha ḓo dzula vhe hone lini na lini
Nda ita uri khuluṋoni yawe i dzule i hone sa ḽiṱaḓulu.+
30 Arali vhana vhawe vha ṱutshela mulayo wanga
Vha si tevhedze milayo* yanga,
31 Arali vha nyadza maitele anga
Vha si tevhedze ndaela dzanga,
32 Ndi ḓo vha pfisa vhuṱungu nga thonga nge vha si thetshelese*+
Nda vha rwela vhukhakhi havho.
33 Fhedzi ndi ḓo dzula ndi tshi mu sumbedza lufuno lwanga lu sa shanduki+
Nda ita zwe nda fhulufhedzisa.
35 Ndo ana nda fhedza nga vhukhethwa hanga;
Ndi nga si zwifhele Davida.+
36 Vhana* vhawe vha ḓo dzula vhe hone lini na lini;+
Khuluṋoni yawe i ḓo dzula i hone vhunga ḓuvha ḽi re phanḓa hanga.+
37 I ḓo dzula i hone lini na lini vhunga ṅwedzi
Sa ṱhanzi i fhulufhedzeaho lutomboni.” (Selah)
38 Fhedzi iwe wo mu laṱa na u mu landula;+
Wo sinyutshela muḓodzwa wau.
39 Wo landula mulanga we nda u vhofha na mushumeli wau;
Wo tshikafhadza khare yawe nga u i laṱela fhasi.
40 Wo phusukanya mitsheṱo yawe yoṱhe;*
Wo thutha mbondo dzawe.
41 Vhoṱhe vhane vha fhira nga henefho vho mu thuba;
U nyadziwa nga vhahura vhawe.+
43 Wo dovha wa gomadza banga ḽawe,
Wa mu ita uri a si kunde nndwani.
44 Wo fhelisa lunako lwawe
Wa wisela fhasi khuluṋoni yawe.
45 Wo fhungudza maḓuvha a vhuswa hawe;
Wo mu shonisa. (Selah)
46 Iwe Yehova u ḓo ḓidzumba u swika lini? Naa u ḓo ḓidzumba lwa tshoṱhe?+
Naa mbiti dzau dzi ḓo bvela phanḓa dzi tshi duga sa mulilo?
47 Humbula uri maḓuvha a vhutshilo hanga ndi mapfufhi lungafhani!+
Naa vhathu vhoṱhe wo vha sikela mahandana?
48 Ndi nnyi ane a nga tshila a sa fi?+
Naa a nga ḓitshidza kha maanḓa a Vhiḓa?* (Selah)
49 I ngafhi mishumo yau ya kale ya lufuno lu sa shanduki, Iwe Yehova,
Ye wa anela Davida nga u fhulufhedzea hau?+
50 Iwe Yehova, humbula u nyadziwa ha vhashumeli vhau;
Nḓila ye nda konḓelela ngayo u nyadziwa nga vhathu vhoṱhe;
51 Iwe Yehova, nḓila ye maswina au a semana ngayo;
Na nḓila ye maswina au a sema milenzhe ya muḓodzwa wau.
52 Ngavhe Yehova a tshi rendiwa lini na lini. Amen, Amen.+