Kha Vhaefesa

2 No vha ni tshi nga no fa nga nṱhani ha zwivhi zwaṋu,+ fhedzi Mudzimu o ita uri ni tshile. 2 No vha ni tshi ita zwithu u fana na vhathu vha ḽino shango,*+ ni tshi ita zwine zwa funiwa nga muvhusi wa ḽino shango.+ Onoyo u langa muya*+ une wa ṱuṱuwedza vha sa thetshelesi, une wa vhudzula hoṱhe-hoṱhe. 3 Ndi ngoho uri roṱhe ro vha ri tshi ḓifara u tendelana na nyemulo dza ṋama, ri tshi langiwa nga nyemulo dza ṋama+ na nga zwine ra zwi humbula,+ u bva tshee ra bebwa ro vha ro tewa nga mbiti+ dza Mudzimu u fana na vhaṅwe vhoṱhe. 4 Fhedzi Mudzimu ane a khathutshela zwihulu+ na u ri funa zwihulu,+ 5 o ita uri ri tshile na Kristo, ro tshidzwa nga vhuthu vhuhulu naho ro vha ro fa nga nṱhani ha vhutshinyi hashu.+ 6 Zwiṅwe hafhu, Mudzimu o ri vusa na u ri ṋea vhudzulo ṱaḓulu, ngauri o ita uri ri vhe na vhuthihi na Kristo Yesu,+ 7 o ita zwenezwi uri a ri sumbedze vhuthu vhuhulu shangoni* ḽiswa, musi a tshi itela riṋe zwivhuya ngauri ri na vhuthihi na Kristo Yesu.

8 Inwi vha re na lutendo+ no tshidzwa nga vhuthu vhuhulu ha Mudzimu, a no ngo tou ḓiitela zwenezwi; fhedzi ndi tshifhiwa tshi bvaho kha Mudzimu. 9 A ni khou tshidzwa nga nṱhani ha zwe na zwi ita,+ uri hu si vhe na ane a nga zuwa ngazwo. 10 Ri tsiko ya Mudzimu, ro sikwa+ ri na vhuthihi na Kristo Yesu+ u itela mishumo mivhuya, ye Mudzimu a dzula o i lugiselela uri ri i shume.

11 Ni humbule uri inwi vha dzitshaka no vha ni tshi vhidzwa vha songo fumbaho nga vho fumbaho. 12 Nga tshenetsho tshifhinga no vha ni sa ḓivhi Kristo, no vha ni kule na lushaka lwa Isiraele, ni vhatsinda kha milanga ya zwe Mudzimu a fhulufhedzisa,+ ni tshi tshila shangoni ni si na fhulufhelo, ni sa ḓivhi Mudzimu.+ 13 Inwi vhe na vha ni kule na Mudzimu, no no vha na vhuthihi na Kristo Yesu, no no vha tsini na Mudzimu nga malofha a Kristo. 14 Ngauri Kristo o ri ḓisela mulalo,+ ndi ene we a ita uri zwigwada zwivhili zwi vhe tshigwada tshithihi,+ a kwasha luvhondo lwe lwa vha lwo zwi fhandekanya.+ 15 Nga ṋama yawe o fhelisa vhuswina, vhune ha vha Mulayo wa Mushe une wa vha na dzindaela, uri zwigwada zwivhili zwi vhe muthu muswa a re na vhuthihi+ na uri hu vhe na mulalo, 16 a thuse zwenezwo zwigwada zwivhili uri zwi vhe muvhili muthihi, uri zwi vhe na mulalo na Mudzimu nge a fa kha danda,*+ ngauri o fhelisa vhuswina+ nga u fa hawe. 17 O ḓa a huwelela mafhungo maḓifha a mulalo kha inwi vhe na vha ni kule na Mudzimu, na mulalo kha vha re tsini na Mudzimu, 18 ngauri ngae, zwigwada zwivhili zwi a kona u ya kha Khotsi nga muya mukhethwa une ra vha nawo roṱhe.

19 A ni tsha vha vhatsinda,+ fhedzi ni vhadzulapo+ u fana na vhaṅwe vhakhethwa, ni miraḓo ya nnḓu ya Mudzimu,+ 20 no fhaṱwa kha mutheo wa vhaapostola na vhaporofita,+ ngeno Kristo Yesu e thikho ya mutheo.+ 21 Nga u vha na vhuthihi nae, tshifhaṱo tshi khou hula tsha vha thembele khethwa ya Yehova,*+ zwipiḓa zwatsho zwoṱhe zwo ṱumana.+ 22 Ngauri ni na vhuthihi na Kristo, Mudzimu o ni fhaṱa na vhaṅwe uri ni vhe nnḓu ine a dzula khayo, ngauri muya wawe u henefho.+