Mirero

17 Ndi khwine u ḽa tshipiḓa tsha vhurotho ho omaho hu na mulalo*+

Nṱhani ha u vha nḓuni i re na tshimima* ngeno hu na nndwa.+

 2 Mushumeli a re na ṱhalukanyo u ḓo vhusa murwa a re na zwiito zwi shonisaho;

U ḓo kovhelwa ifa u fana na vhana vha muṋe wawe.

 3 Bodo ndi ya u kunakisa siḽiva, ṋanḓo ndi ya u kunakisa musuku,+

Fhedzi Yehova ndi muṱolisisi wa dzimbilu.+

 4 Munna muvhi u thetshelesa mafhungo a vhaisaho,

Wa vhufhura u thetshelesa lulimi lwa mazwifhi.+

 5 Ane a goḓa mushai u sema Musiki wawe,+

Ane a takala musi muṅwe o wela khomboni u ḓo pfiswa vhuṱungu.+

 6 Vhaḓuhulu ndi khare kha vhalala,

Vhokhotsi* ndi vhugala ha vharwa* vhavho.

 8 Tshifhiwa tshi fana na tombo ḽa ndeme kha muṋe waḽo;+

Huṅwe na huṅwe hune a ya zwi a mu tshimbilela.+

 9 Ane a hangwela vhutshinyi u ṱoḓa lufuno,+

Fhedzi ane a dzulela u vusa mafhungo a kale u luṱanya khonani dza tsini-tsini.+

10 U kaidzwa hu kwama nga ho dzikaho a re na ṱhalukanyo+

Nṱhani ha u rwa tsilu nga ṱhamu dza ḓana.+

11 Muvhi tshawe ndi u ṱoḓa zwa vhushandukwa,

Fhedzi muḓinḓa wa tshiṱuhu u ḓo rumiwa uri a mu pfise vhuṱungu.+

12 Khwine ndi u ṱangana na tshivhingwi tsho dzhielwa vhana vhatsho

Nṱhani ha u ṱangana na tsilu ḽi kha zwa vhutsilu haḽo.+

13 Arali muthu a lifhedza zwivhuya nga zwivhi,

Zwivhi a zwi nga ṱuwi nḓuni yawe.+

14 U thoma nndwa zwi fana na u vulela maḓi;*

Ṱuwa nndwa i sa athu u thoma.+

15 Ane a si vhone muvhi mulandu na ane a vhona muvhuya mulandu,+

Vhuvhili havho vha nengisa Yehova.

16 Zwi vhuyedza ngani uri tsilu ḽi kone u wana vhuṱali

Ngeno ḽi si na zwiṱuṱuwedzi zwavhuḓi zwa u vhu wana?*+

17 Khonani ya vhukuma i sumbedza lufuno tshifhinga tshoṱhe,+

Ndi ṅwana wa mme au ane wa nga ḓitika ngae musi wa khombo.+

18 A si na ṱhalukanyo u ita thendelano nga u khaḓa zwanḓa

U ḓivhofha phanḓa ha muhura wawe uri u ḓo lifha mulandu.+

20 Wa mbilu i sa fhulufhedzei ha nga bveleli,+

Ane a amba vhufhura u ḓo welwa nga khombo.

21 Khotsi a re na ṅwana wa tsilu u ḓo ṱungufhala;

Khotsi a ṅwana wa tsilu ha takali.+

22 Mbilu yo takalaho ndi mushonga wavhuḓi,*+

Fhedzi musi yo ṱungufhala zwi fhedza nungo.*+

23 Muvhi u ṱanganedza tshanḓanguvhoni tshiphirini

U itela uri hu si haṱulwe nga nḓila yo teaho.+

24 Wa ṱhalukanyo u dzula o lavhelesa vhuṱali,

Fhedzi maṱo a tsilu a dzula o lavhelesa magumoni a ḽifhasi.+

25 Ṅwana wa tsilu u ṱungufhadza khotsi awe

U pfisa vhuṱungu we a mu beba.+

26 A si zwavhuḓi u pfisa muvhuya vhuṱungu,

U rwa vha ṱhonifheaho zwi lwisana na zwo lugaho.

27 A re na nḓivho u kala maipfi awe,+

A re na ṱhalukanyo u dzula o dzika.+

28 Na tsilu ḽine ḽa dzula ḽo fhumula ḽi ḓo dzhiiwa ḽo ṱalifha,

Na ane a thivha mulomo wawe u ḓo dzhiiwa e na ṱhalukanyo.