Dziphisalema

Kha mulangi; lu imbiwe hu tshi lidzwa zwilidzo zwi re na ṱhale. Luimbo lwa Davida.

61 Iwe Mudzimu, ipfa tshililo tshanga musi ndi tshi ṱoḓa thuso.

Thetshelesa thabelo yanga.+

2 Ndi ḓo u vhidzelela ndi magumoni a ḽifhasi

Musi mbilu yanga yo ṱungufhala.+

Ntshimbidze ndi gonye tombo ḽi re nṱha u mphira.+

3 Ngauri ndi iwe vhukhudo hanga,

U mutsheṱo wo khwaṱhaho une wa ntsireledza kha swina.+

4 Ndi ḓo vha mueni denndeni ḽau lini na lini;+

Ndi ḓo khuda nga murunzi wa phapha dzau.+ (Selah)

5 Ngauri Iwe Mudzimu, wo thetshelesa miano yanga.

Wo nṋea ifa ḽa vhane vha ofha dzina ḽau.+

6 U ḓo engedzela khosi maḓuvha a vhutshilo,+

Miṅwaha yayo i ḓo fhira ya mirafho na mirafho.

7 I ḓo dzula kha khuluṋoni phanḓa ha Mudzimu lini na lini;+

Ita uri i vhe na lufuno lu sa shanduki, i fhulufhedzee, uri zwenezwo zwithu zwi i linde.+

8 Ndi hone ndi tshi ḓo imbela dzina ḽau thendo lini na lini+

Musi ndi tshi ita zwe nda ana ḓuvha ḽiṅwe na ḽiṅwe.+