Dziphisalema
Kha mulangi; hu imbiwe luimbo lune lwa ri: “U Songo Mphelisa.” Luimbo lwa Davida. Mikitami.* Musi Davida a tshi shavhela bakoni+ nga nṱhani ha Saulo.
57 Nkhathutshele, Iwe Mudzimu, nkhathutshele,
Ngauri ndi khuda nga iwe,+
Ndi khuda murunzini wa phapha dzau u swika khombo dzi tshi fhira.+
2 Ndi vhidzelela Mudzimu Wa-Ṱaḓulu-ṱaḓulu,
Mudzimu wa ngoho ane a ḓo fhelisa khombo a tshi itela nṋe.
3 U ḓo nthusa e ṱaḓulu, a ntshidza.+
U ḓo khakhisa ane a nndevhela. (Selah)
Mudzimu u ḓo sumbedza lufuno lwawe lu sa shanduki na uri u a fhulufhedzea.+
4 Ndo tangiwa nga ndau;+
Ndi eḓela vhukati ha vhanna vhane vha ṱoḓa u mmbulaya,
Vhane maṋo avho a vha mapfumo na misevhe
Ndimi dzavho ndi mabanga a vhuhali.+
5 Iwe Mudzimu, huliswa u fhira ḽiṱaḓulu;
Ngavhe vhugala hau vhu tshi vha kha ḽifhasi ḽoṱhe.+
Vho mbwela dindi phanḓa hanga,
Fhedzi ndi vhone vho welaho ngomu haḽo.+ (Selah)
8 Iwe mbilu yanga, fhaṱuwa.
Iwe tshilidzo tshi re na ṱhale; na Iwe haripa, fhaṱuwa.
Ndi ḓo vuwa nga matsheloni-tsheloni.+
9 Iwe Yehova, ndi ḓo u renda ndi vhukati ha vhathu;+
Ndi ḓo u imbela thendo ndi vhukati ha dzitshaka.+
10 Ngauri lufuno lwau lu sa shanduki ndi luhulu, lu swika ngei ṱaḓulu,+
U fhulufhedzea hau hu swika lutomboni.
11 Iwe Mudzimu, huliswa u fhira ḽiṱaḓulu;
Ngavhe vhugala hau vhu tshi vha kha ḽifhasi ḽoṱhe.+