Dziphisalema

Ndi zwavhuḓi u imbela Mudzimu washu thendo;

Zwi a takadza, zwo tea u mu renda!+

 2 Yehova u khou fhaṱa Yerusalema;+

U kuvhanganya vhathu vha Isiraele vho balanganaho.+

 3 U fhodza vha mbilu dzo vunḓekanaho;

U pomba mbonzhe dzavho.

 4 U vhala tshivhalo tsha ṋaledzi;

U dzi vhidza dzoṱhe nga madzina.+

 5 Murena washu ndi muhulu, u na maanḓa mahulu;+

U pfesesa hawe a hu na mikano.+

 6 Yehova u vusa vho vuḓaho,+

Fhedzi vhavhi u vha posela fhasi.

 7 Imbelani Yehova nyimbo dza ndivhuwo;

Imbelani Mudzimu washu thendo ni tshi lidza na haripa,

 8 Ane a thivhedza ḽiṱaḓulu nga makole,

Ane a nisela ḽifhasi mvula,+

Ane a ita uri hatsi vhu mele+ dzithavhani.

 9 U ṋea zwipuka zwiḽiwa,+

Na mafhondo a mafunguvhu a tshi lila.+

10 Ha takadzwi nga maanḓa a bere;+

Ha mangadzwi nga milenzhe ya muthu i re na maanḓa.+

11 Yehova u takalela vhane vha mu ofha,+

Vhane vha lindela lufuno lwawe lu sa shanduki.+

13 U khwaṱhisa tsimbi dza khoro dza muḓi wau;

U fhaṱutshedza vharwa vhau.

14 U ḓisa mulalo shangoni ḽau;+

U u fusha nga goroi yavhuḓi vhukuma.+

15 U rumela ndaela yawe kha ḽifhasi;

Zwine a amba zwa itea nga u ṱavhanya.

16 U wisa mahaḓa sa wuḽu;+

U balanganya mahaḓa vhunga miḽora.+

19 U ḓivhadza Yakobo zwine a amba,

U ḓivhadza Isiraele maitele awe na khaṱhulo dzawe.+

20 Ha athu u ita nga u ralo kha dziṅwe tshaka;+

A dzi ḓivhi khaṱhulo dzawe.