Dziphisalema
Phisalema ya Davida.
28 Iwe Yehova Tombo ḽanga,+ ndi dzula ndi tshi vhidzelela iwe;
U songo mphumulela.
2 Ipfa khumbelo yanga ya musi ndi tshi ṱoḓa thuso
Musi ndo imisela zwanḓa zwanga nṱha zwo livha kamarani ya nga ngomu-ngomu nḓuni khethwa.+
3 U songo nndaṱa na vhavhi, vhane vha ita vhutshinyi,+
Vhane vha amba maipfi a mulalo na vhaṅwe ngeno mbiluni dzavho hu na vhuvhi.+
4 Vha lifhedze zwe vha zwi ita,+
U ya nga vhuvhi he vha vhu ita.
Vha lifhele zwe vha shuma nga zwanḓa zwavho,
U ya nga zwe vha zwi ita.+
Ene u ḓo vha thutha, a si vha fhaṱulule.
6 Yehova nga a rendwe,
Ngauri o pfa khumbelo yanga ya musi ndi tshi ṱoḓa thuso.
O nthusa, mbilu yanga i a takala,
Ndi ḓo mu renda nga luimbo lwanga.
8 Yehova ndi nungo dza vhathu vhawe;
Ndi vhushavhelo vhune ha tshidza muḓodzwa wawe.+
9 Tshidza vhathu vhau, u fhaṱutshedze vhathu vhau.+
Vha lise, u vha takule nga zwanḓa zwau lini na lini.+