Vhurifhi Ha Vhuvhili Vhu Yaho Kha Vhathesalonika
2 Vhahashu, kha mafhungo a u vha hone ha Murena washu Yesu Kristo+ na a u kuvhanganywa uri ri vhe nae,+ ri a ni humbela 2 uri ni songo tendela muthu a tshi shandula nḓila yo teaho ine na humbula ngayo kana u ḓaḓa arali muṅwe muthu a ri ḓuvha ḽa Yehova*+ ḽo swika. Ni songo vhilaela arali vha ri mulaedza u bva kha Mudzimu+ kana vha ri vho zwi vhala kha vhurifhi vhune vha amba uri ho ṅwaliwa nga riṋe.
3 Ni songo xedzwa,* ngauri ḽi nga si ḓe hu songo thoma ha vha na vhagunei+ na muvhi+ a sa athu u dzumbululwa, onoyo muvhi u ḓo fheliswa.+ 4 Onoyo ndi muhanedzi ane a ḓihudza kha vhane vha vhidzwa u pfi mudzimu kana zwoṱhe zwine zwa gwadamelwa,* ndi ngazwo a tshi dzula thembeleni ya Mudzimu, a tshi ḓiita mudzimu. 5 Naa no hangwa uri ndo ni vhudza zwenezwi zwithu musi ndi tshee na inwi?
6 Ni a zwi ḓivha uri ndi mini tshine tsha mu thivhela uri a dzumbululwe tshifhinga tsho teaho tshi sa athu u swika. 7 Ndi ngoho uri tshiphiri tsha honovhu vhuvhi tsho no thoma u shuma;+ fhedzi tshi ḓo shuma u swika ane a khou tshi thivhela a si tsheeho. 8 Ngauralo, onoyo muthu muvhi u ḓo dzumbululwa, Murena Yesu u ḓo mu fhelisa nga mufemo u bvaho mulomoni wawe,+ a si tsha vha hone, musi zwi tshi vhonala+ uri Yesu u hone. 9 Fhedzi muvhi u vha hone nga nṱhani ha Saṱhane.+ Ndi ene ane a mu ṋea maanḓa a u ita mishumo yoṱhe ya maanḓa, zwiga na zwithu zwi mangadzaho zwa mazwifhi,+ 10 na vhufhura hoṱhe.+ Zwenezwi zwithu zwi xedza vhane vha ḓo lovha, vha tshi lifhedzelwa u sa ṱanganedza na u funa ngoho uri vha tshidzwe. 11 Ndi ngazwo Mudzimu a tshi tenda vha tshi fhurwa, uri vha tende mazwifhi,+ 12 uri vhoṱhe vha haṱulwe ngauri a vho ngo tenda ngoho, fhedzi vho takalela u sa luga.
13 Naho zwo ralo, vhahashu vha funwaho nga Yehova,* ri a kombetshedzea u dzula ri tshi livhuwa Mudzimu nga nṱhani haṋu, ngauri Mudzimu o ni nanga+ u bva mathomoni uri ni tshidzwe nga u ni ita vhakhethwa+ nga muya wawe ngauri no tenda ngoho. 14 O ni vhidzela zwenezwo nga mafhungo maḓifha ane ra a ḓivhadza, uri ni wane vhugala ha Murena washu Yesu Kristo.+ 15 Vhahashu, imani no khwaṱha,+ ni farelele kha zwe na funzwa zwone,+ nga mulaedza we ra ni vhudza kana nga vhurifhi he ra ni ṅwalela. 16 Zwiṅwe hafhu, ngavhe Murena washu Yesu Kristo na Mudzimu Khotsi ashu, we a ri funa+ na u ri khuthadza nga hu sa fheli na u ri ṋea fhulufhelo+ ḽavhuḓi nga vhuthu vhuhulu hawe, 17 a tshi ni khuthadza na u ni khwaṱhisa uri ni dzule ni tshi amba na u ita zwithu zwavhuḓi.