Kha Vhahevheru

1 Kale Mudzimu o amba na vhomakhulukuku washu a tshi shumisa vhaporofita kha zwiitea zwinzhi na nga nḓila dzo fhambanaho.+ 2 Kha vhufhelo ha ano maḓuvha, o amba na riṋe a tshi shumisa Murwa wawe+ we a mu nanga uri a vhe muḽaifa wa zwithu zwoṱhe,+ we a mu shumisa u ita zwithu zwa ṱaḓulu na zwa kha ḽifhasi.*+ 3 Ndi ene ane a sumbedza vhugala ha Mudzimu,+ u fanyisela zwine Mudzimu a vha zwone,+ u ita uri zwithu zwoṱhe zwi tshile nga maanḓa a ipfi ḽawe. Musi o no ṱanzwa zwivhi zwashu,+ o dzula tshanḓani tsha u ḽa tsha wa Vhugala ṱaḓulu.+ 4 Samusi o wana dzina ḽavhuḓi ḽi fhiraho ḽa vharuṅwa,+ u vho vha fhira.+

5 A hu na muṅwe muruṅwa we Mudzimu a vhuya a amba nae a ri: “Iwe u murwa wanga; ṋamusi ndi khotsi au.”+ A dovha a ri: “Ndi ḓo vha khotsi awe, ene a vha murwa wanga.”+ 6 Musi a tshi dovha a rumela Tanzhe+ ḽawe kha ḽifhasi, o ri: “Vharuṅwa vhoṱhe vha Mudzimu nga vha mu loshe.”*

7 Zwiṅwe hafhu, o amba nga ha vharuṅwa a ri: “U ita uri vharuṅwa vhawe vha vhe na maanḓa mahulu, vhashumeli vhawe+ u vha ita sa khavhu ya mulilo.”+ 8 Fhedzi a tshi amba nga ha Murwa wawe, u ri: “Mudzimu ndi khuluṋoni yau lini na lini,+ lubaḓa lwa Muvhuso wau ndi lubaḓa lwa u luga.* 9 Wo funa zwivhuya, wa vhenga vhutshinyi. Ndi ngazwo Mudzimu wau o u ḓodza+ nga mapfura, a ita uri u takale u fhira maṅwe mahosi.”+ 10 Ha dovha ha pfi: “Iwe Murena, ndi iwe we mathomoni wa adza mitheo ya ḽifhasi, ḽiṱaḓulu ndi mishumo ya zwanḓa zwau. 11 Ḽiṱaḓulu na ḽifhasi zwi ḓo lovha, fhedzi iwe u ḓo dzula u hone; zwi ḓo ṱahala zwoṱhe sa tshiambaro, 12 wa zwi peta u fana na nguvho, wa zwi tshintsha sa tshiambaro. Fhedzi iwe a u shanduki, a u na magumo.”+

13 A hu na muṅwe muruṅwa we Mudzimu a vhuya a amba nae a ri: “Dzula thungo ya tshanḓa tshanga tsha u ḽa, u swika ndi tshi ita uri u kande maswina au.”*+ 14 Vharuṅwa vhoṱhe vha ita mushumo mukhethwa.+ Mudzimu u vha ruma uri vha shumele vhane vha ḓo tshidzwa.