Yesaya
9 Naho zwo ralo, swiswi a ḽi tsha ḓo fana na ḽa musi shango ḽi tshi tsikeledzwa, u fana na zwifhingani zwo fhiraho musi hu tshi nyadziwa shango ḽa Sebuloni na shango ḽa Nafutali.+ Nga murahu U ḓo ita uri nḓila ya tsini na lwanzhe i huliswe, i re dzinguni ḽa Yorodane hune ha vha Galilea ḽa dzitshaka.
2 Vhathu vha tshimbilaho swiswini
Vho vhona tshedza tshihulu.
Vhane vha dzula shangoni ḽine ḽa vha na swiswi ḽihulu,
Vho vhonetshelwa nga tshedza.+
3 Wo ita uri lushaka lu vhe luhulu;
Wo ita uri dakalo ḽalwo ḽi vhe ḽihulu.
Vha takala vhe phanḓa hau
U fana na musi vhathu vha tshi takala nga tshifhinga tsha khaṋo,
U fana na vhane vha takala musi vha tshi khou kovhekana zwe vha thuba.
4 Wo vunḓa dzhogo ye ya vha i tshi vha lemela,
Thonga i re kha mashaḓa avho, thonga ya vhalangi,
U fana na zwe wa ita misini ya Midiani.+
5 Tshienda tshiṅwe na tshiṅwe tshine tsha dzinginyisa ḽifhasi nga mutsindo
Na tshiambaro tshiṅwe na tshiṅwe tsho ṋukadzwaho nga malofha
Zwi ḓo swa nga mulilo.
U ḓo pfi Mueletshedzi Wavhuḓi,+ Mudzimu wa Maanḓa,+ Khotsi wa Lini na Lini, Mukololo wa Mulalo.
7 U hula ha vhuvhusi* hawe
Na mulalo a zwi nga vhi na magumo,+
Kha khuluṋoni ya Davida+ na kha muvhuso wawe
Uri a u khwaṱhise+ u ime
Nga khaṱhulo yo teaho+ na zwivhuya+
U bva zwino u ya nga hu sa fheli.
Zwi ḓo itwa nga u fhisea ha Yehova wa mavhuthu.
8 Yehova o rumela Yakobo khaṱhulo,
Ya ḓela Isiraele.+
9 Vhathu vhoṱhe vha ḓo zwi ḓivha,
Efuraimi na vhadzulapo vha Samaria,
Vhane vha amba mbiluni dzavho nga u ḓikukumusa na nga lunyadzo vha ri:
10 “Zwidina zwo wa,
Fhedzi ri ḓo fhaṱa nga matombo o tsheṱiwaho.+
Miri ya mihuyu yo remiwa,
Fhedzi vhudzuloni hayo ri ḓo ṱavha miṱaululo.”
11 Yehova u ḓo ita uri Retsini a vutshelwe nga maswina awe
U ḓo ita uri maswina awe a lwe nae,
12 Vhasiria vha bvaho vhubvaḓuvha na Vhafilisita vha bvaho vhukovhela,+
Vha ḓo aṱama milomo yavho vha mila Isiraele.+
Nga nṱhani ha zwenezwi, u kha ḓi vha o sinyuwa,
Fhedzi u tshee o imisela nṱha tshanḓa tshawe uri a vha rwe.+
13 Ngauri vhathu a vha athu u vhuyelela kha We a vha rwa;
A vho ngo ṱoḓa Yehova wa mavhuthu.+
15 Muhulwane ane a ṱhonifhiwa vhukuma ndi ene ṱhoho,
Mutshila ndi muporofita ane a ṋea ndayo ya mazwifhi.+
16 Vharangaphanḓa vha havha vhathu vha khou vha xedza,
Na vhane vha khou rangiwa phanḓa vho ḓaḓa.
17 Ndi ngazwo Yehova a sa ḓo takalela vhaṱhannga vhavho,
Ha nga ḓo khathutshela vhana vhavho vha si na vhokhotsi* na tshilikadzi dzavho
Ngauri vhoṱhe ndi vhagunei na vhaitazwivhi+
Muṅwe na muṅwe u amba zwa vhutsilu.
Nga nṱhani ha zwenezwi, u kha ḓi vha o sinyuwa,
Fhedzi u tshee o imisela nṱha tshanḓa tshawe uri a vha rwe.+
18 Ngauri vhuvhi vhu duga sa mulilo,
U tshi fhisa tshiṱaka tsha mipfa na tsheṋe.
U ḓo fhisa ḓaka ḽihulu,
Ḽa duba vhutsi.
19 Nga nṱhani ha mbiti dza Yehova wa mavhuthu
Shango ḽo fhiswa nga mulilo,
Vhathu vha ḓo swa sa khuni muliloni.
A hu na ane a ḓo kona u tsireledza wahawe.
20 Muthu u tshea zwa thungo ya tshanḓa tsha u ḽa
Fhedzi a ḓi pfa nḓala;
Muthu u ḓo ḽa zwa thungo ya tshanḓa tsha monde
Fhedzi a nga si fushee.
Muthu muṅwe na muṅwe u ḓo ḽa ṋama ya tshanḓa tshawe,
21 Manase u ḓo ḽa Efuraimi,
Efuraimi u ḓo ḽa Manase.
Vhuvhili havho vha ḓo lwa na Yuda.+
Nga nṱhani ha zwenezwi, u kha ḓi vha o sinyuwa,
Fhedzi u tshee o imisela nṱha tshanḓa tshawe uri a vha rwe.+