Bugu Ya Vhuvhili Ya Samuele
23 Aya ndi maipfi a u fhedza a Davida:+
“Maipfi a Davida murwa wa Isai,+
Ndi mafhungo a munna we a huliswa,+
Muḓodzwa+ wa Mudzimu wa Yakobo,
Muimbi makone wa nyimbo+ dza Isiraele.
3 Mudzimu wa Isiraele o ri;
Tombo ḽa Isiraele+ ḽo amba na nṋe ḽa ri:
‘Musi ane a vhusa vhathu o luga,+
A tshi vhusa nga u ofha Mudzimu,+
4 Vhuvhusi hawe vhu nga tshedza tsha nga matsheloni musi ḓuvha ḽi tshi ṱavha,+
Nga matsheloni hu si na makole.
Vhuvhusi hawe vhu nga tshedza musi mvula yo no tsha,
Ya medza hatsi kha ḽifhasi.’+
5 Naa nnḓu yanga a yo ngo tou ralo phanḓa ha Mudzimu?
Ngauri o vhofha na nṋe mulanga wa lini na lini,+
Yo dzudzanyea nga nḓila dzoṱhe, yo tsireledzea.
Ngauri zwi amba u tshidzwa hanga na dakalo ḽanga,
Naa ha nga ḓo ita uri zwi bvelele?+
6 Fhedzi vhanna vhavhi vha ḓo poswa kule+ u fana na zwiṱaka zwa mipfa,
Ngauri zwi nga si farwe nga zwanḓa.
7 Musi muthu a tshi zwi fara,
U tea u vha o ḓiṱama nga tsimbi na nga mufhiṋi wa pfumo,
Zwi tea u fhiswa nga mulilo.”
8 Vhahali vha Davida+ ndi: Yoseba-basebethe wa Muthakemoni, murangaphanḓa wa vhararu.+ O imisela nṱha pfumo ḽawe a vhulaya vhanna vha 800 nga tshifhinga tshithihi. 9 O tevhelwa nga Eliasara+ murwa wa Dodo+ murwa wa Ahohi muṅwe wa vhahali vhararu vhe vha vha vhe na Davida musi vha tshi goḓa Vhafilisita. Vho vha vho kuvhangana henefho uri vha lwe, musi vhanna vha Isiraele vha tshi huma, 10 a vhulaya Vhafilisita u swika tshanḓa tshawe tshi tshi neta, a si litshedze banga.+ Yehova a vha ṋea gundo ḽihulu nga ḽeneḽo ḓuvha;+ vhathu vha huma nae uri vha dzhie thundu dza vho vhulawaho.
11 Ha tevhela Shamaha murwa wa Age wa Muharari. Vhafilisita vha kuvhangana ngei Lehi, hu re na tsimu yo ḓalaho nḓodzi; vhathu vha shavha Vhafilisita. 12 Fhedzi ene a ima vhukati ha tsimu, a i tsireledza, a vhulaya Vhafilisita, Yehova a ita uri vha kunde* zwihulu.+
13 Vharangaphanḓa vhararu kha vha 30 vha ya kha Davida bakoni ḽa Adulamu+ nga tshifhinga tsha khaṋo, mmbi dza Vhafilisita dzo atha madennde Govhani ḽa Refaimi.+ 14 Nga tshenetsho tshifhinga, Davida o vha e fhethu ha vhushavhelo,+ maswole a Vhafilisita o vha e Betlehema. 15 Davida a farwa nga ḓora a ri: “Ngavhe ndi tshi nga nwa maḓi a tshisima tsha khoroni ya Betlehema!” 16 Vhahali vhararu vha kombetshedza vha fhira nga madenndeni a Vhafilisita vha ka maḓi tshisimani tshi re khoroni ya Betlehema vha a ḓisela Davida; fhedzi a hana u a nwa, a a tevhulela Yehova.+ 17 A ri: “Iwe Yehova, a zwi pfali uri ndi ite zwenezwi! Naa ndi nga nwa malofha+ a vhanna vhe vha vhea vhutshilo havho khomboni?” Ngauralo, a hana u a nwa. Hezwi ndi zwithu zwe vhahali vhawe vhararu vha zwi ita.
18 Abishai+ mukomana wa Yoaba murwa wa Tseruya+ o vha e murangaphanḓa wa vhaṅwe vhararu; o imisela nṱha pfumo ḽawe a vhulaya vhanna vha 300, o vha e na bvumo ḽi fanaho na ḽa vhaḽa vhararu.+ 19 Naho o vha e na bvumo u fhira vhaṅwe vhararu, e murangaphanḓa wavho, o vha a si na vhuimo vhu fanaho na ha vhaḽa vhararu vha u thoma.
20 Benaya+ murwa wa Yehoyada o vha e munna a re na tshivhindi we a ita mishumo minzhi ngei Kabatsiele.+ O vhulaya vharwa vhavhili vha Ariele wa Moaba, a dzhena tshisimani musi hu tshi khou wa mahaḓa a vhulaya ndau.+ 21 O vhulaya na munna mulapfu-lapfu wa Muegipita. Naho onoyo Muegipita o vha o fara pfumo, o ya khae o fara thonga, a dzhiela Muegipita pfumo, a mu vhulaya nga pfumo ḽawe. 22 Ndi zwe Benaya murwa wa Yehoyada a zwi ita, o vha e na bvumo ḽi fanaho na ḽa vhahali vhararu. 23 Naho o vha e na bvumo u fhira vha furaru,* o vha a si na vhuimo vhu fanaho na ha vhaṅwe vhararu. Naho zwo ralo, Davida a mu vhea uri a vhe muṅwe wa vhalindi vhawe.
24 Asahele+ murathu* wa Yoaba o vha e muṅwe wa vha furaru:* Elihanani murwa wa Dodo wa Betlehema,+ 25 Shamaha wa Muharode, Elika wa Muharode, 26 Heletse+ wa Mupelete,+ Ira murwa wa Ikeshe wa Muthekoa, 27 Abiesere+ wa Muanathothe,+ Mebunai wa Muhusha, 28 Tsalimoni wa Muahohi, Mahari+ wa Munetofa, 29 Helebe murwa wa Baana wa Munetofa, Ithai murwa wa Rabai wa Gibia wa Vhabenyamini, 30 Benaya+ wa Muphirathoni, Hidai wa miedzini ya Gaasi,+ 31 Abi-aliboni wa Muaraba, Asimavethe wa Mubakurimi, 32 Eliahaba wa Mushalaboni, vharwa vha Yaseni, Yonathani, 33 Shamaha wa Muharari, Ahiamu murwa wa Sharari wa Muharari, 34 Eliphelete murwa wa Ahasabai murwa wa Maakate, Eliamu murwa wa Ahitofele+ wa Mugilo, 35 Hesero wa Mukaramele, Parai wa Muarabi, 36 Igala murwa wa Nathani wa Tsoba, Bani wa Mugada, 37 Tseleke wa Muamoni, Naharai wa Mubeerothe, muhwali wa zwiṱhavhane zwa Yoaba murwa wa Tseruya, 38 Ira wa Muithira, Garebe wa Muithira,+ 39 Uria+ wa Muhethe, vhoṱhe vho vha vhe 37.