Vhurifhi Ha Yakobo

5 Inwi vhapfumi, thetshelesani, lilani ni ṱavhe mukosi nga nṱhani ha maṱungu ane a khou ni ḓela.+ 2 Lupfumo lwaṋu lwo sina, na zwiambaro zwaṋu zwo ḽiwa nga muṱwa.*+ 3 Musuku waṋu na siḽiva yaṋu zwo rosa, yeneyo rosi i ḓo sumbedza uri ni na mulandu, ya ḽa ṋama yaṋu. Zwe na vhulunga zwi ḓo nga mulilo maḓuvhani a vhufhelo.+ 4 Vhashumi vhe vha kaṋa masimu aṋu vha dzula vha tshi lila nge ni si vha holele, Yehova* wa mavhuthu o pfa zwililo zwavho.+ 5 No ḓiphiṋa na fushea kha ḽifhasi. No ḽa na nona u fana na kholomo yo nonaho i tshi ya u ṱhavhiwa.+ 6 No haṱula o lugaho na mu vhulaya. Naa a ni khou hanedzwa?

7 Vhahashu, ni songo fhela mbilu u swika Murena a tshi vha hone.+ Mulimi u dzula o lindela a sa fheli mbilu mitshelo yavhuḓi ya zwe a zwala kha ḽifhasi, u swika mvula ya khalaṅwaha ya u thoma na ya u fhedza i tshi na.+ 8 Na inwi ni songo fhela mbilu;+ khwaṱhisani mbilu dzaṋu, ngauri tshifhinga tsha u vha hone ha Murena tshi tsini.+

9 Vhahashu, ni songo gungulelana uri ni sa ḓo haṱulwa.+ Muhaṱuli o ima muṋangoni. 10 Vhahashu, edzisani tsumbo ya vhaporofita vhe vha amba nga dzina ḽa Yehova,*+ vho tambudzwa+ vha si fhele mbilu.+ 11 Ri ri vho konḓelelaho vho takala.*+ No pfa nga ha u konḓelela ha Yobo+ na zwe Yehova* a mu itela zwone,+ zwi sumbedzaho uri Yehova* u na lufuno luhulu* na khathutshelo.+

12 Vhahashu, zwa ndeme vhukuma litshani u ana nga ḽiṱaḓulu kana nga ḽifhasi kana u ana nga tshiṅwe tshithu. Fhedzi “Ee” yaṋu i vhe ee, “Hai” yaṋu i vhe hai,+ uri ni si haṱulwe.

13 Naa hu na o sedzanaho na zwi konḓaho? Kha dzule a tshi rabela.+ Naa hu na o takalaho? Kha imbe phisalema.+ 14 Naa hu na ane a khou lwala? Kha vhidze vhahulwane+ vha tshivhidzo uri vha mu rabelele, vha mu ḓodze mapfura+ dzinani ḽa Yehova.* 15 Thabelo ya lutendo i ḓo ita uri ane a khou lwala* a fhole, Yehova* u ḓo mu khwaṱhisa. Arali o ita zwivhi, u ḓo hangwelwa.

16 Ngauralo, ni bule zwivhi zwaṋu,+ ni rabelelane, uri ni fhodzwe. Khumbelo ya o lugaho i na maanḓa, i nga thusa vhathu.+ 17 Elia o vha e muthu u fana na riṋe, fhedzi o rabela nga mbilu yoṱhe uri mvula i si ne, i si ne lwa miṅwaha miraru na miṅwedzi ya rathi.+ 18 A dovha a rabela, mvula ya na, ha vha na zwimela kha ḽeneḽo shango.+

19 Vhahashu, arali muṅwe waṋu a bva nḓilani ya ngoho, muṅwe a mu vhuyedzedza nḓilani, 20 ḓivhani uri ane a thusa muitazwivhi uri a rembuluwe+ u khou mu tshidza kha lufu, na u mu thusa uri a hangwelwe zwivhi.+