Mirero
25 Heyi ndi mirero ya Salomo,+ ye ya ṅwalululwa* nga vhanna vha Khosi Hiskia+ wa Yuda:
2 U dzumba mafhungo zwi ṋea Mudzimu vhugala,+
U ṱoḓisisa mafhungo zwi ṋea mahosi vhugala.
3 Samusi ḽiṱaḓulu ḽi nṱha na ḽifhasi ḽo tsa,
Ngauralo, mbilu dza mahosi a dzi ṱalukanyei.
4 Bvisa tshika kha siḽiva,
I ḓo sala yo kuna tshoṱhe.+
5 Bvisa muvhi phanḓa ha khosi,
Khuluṋoni yayo i ḓo khwaṱhiswa nga zwivhuya.+
6 U songo ḓihulisa phanḓa ha khosi,+
U songo dzula vhukati ha vhaḓivhalea,+
7 Ndi khwine i tshi amba na iwe ya ri: “Iḓa ngeno,”
Nṱhani ha u shoniswa phanḓa ha murangaphanḓa.+
8 U songo ṱavhanya wa vhiga mulandu,
U ḓo ita mini nga murahu arali muhura wau a u shonisa?+
9 Lugisa mafhungo na muhura wau,+
Fhedzi u songo dzumbulula zwe wa vhudzwa tshiphirini,*+
10 Uri o thetshelesaho a si u shonise
Wa yeliwa nga phungo mmbi ine wa sa ḓo kona u i fhelisa.
11 Ipfi ḽo ambiwaho nga tshifhinga tsho teaho
Ḽi nga maapula a musuku kha zwigoḓelo zwa siḽiva.+
12 Mukaidzi wa vhuṱali kha nḓevhe i pfaho
U tou nga tshiṅiṋa tsha musuku na mudzio wa musuku vhukuma.+
13 Muḓinḓa a fhulufhedzeaho kha vhe vha mu ruma,
U nga u rothola ha mahaḓa nga ḓuvha ḽa khaṋo,
Ngauri u homolosa muṋe wawe.+
14 Ane a zuwa uri u ḓo ṋea tshifhiwa fhedzi a si tshi ṋee
U nga makole na muya zwine zwa si ḓise mvula.+
16 Arali wo wana mutoli, i ḽa wo eḓanaho,
Ngauri arali wa u ḽesa, u ḓo ṱanza.+
17 U songo dalesa nḓuni ya muhura wau,
U sa ḓo mu netisa a u vhenga.
18 Ane a pomoka muhura wawe nga vhuṱanzi ha mazwifhi
U nga thonga na banga na musevhe wa vhuhali.+
19 U fhulufhela a sa fhulufhedzei zwifhingani zwa khombo
Zwi nga ḽiṋo ḽo vunḓeaho kana mulenzhe une wa khou suvha.
20 Ane a imba nyimbo a tshi imbela o ṱungufhalaho
U nga ane a bvula tshiambaro musi hu na phepho
Na viniga yo shelwa kha soda.+
21 Arali swina ḽau* ḽi na nḓala, ḽi ṋee zwiḽiwa* ḽi ḽe;
Arali ḽi na ḓora, ḽi ṋee maḓi ḽi nwe,+
22 Ngauri u ḓo vha u tshi khou ḽi okela maxale* a fhisaho kha ṱhoho,+
Ndi hone Yehova a tshi ḓo u lambedza.
23 Muya wa devhula u nisa mvula,
Lulimi lu solaho lu ita uri muthu a sinyuwe.+
25 Muvhigo wavhuḓi u bvaho shangoni ḽa kule
U nga maḓi a rotholaho kha muthu o netaho.+
26 Muvhuya ane a tenda u kundwa nga muvhi
U tou nga tshisima tsho dzikuswaho.
28 A sa koni u ḓilanga,
U nga muḓi wo kwashiwaho, u si na luvhondo.+