Yoshua

5 Mahosi oṱhe a Vhaamori+ e a vha e vhukovhela thungo* ha Mulambo wa Yorodane na mahosi oṱhe a Vhakanana+ e a vha e tsini na lwanzhe, a tshi tou pfa uri Yehova o xisa maḓi a Mulambo wa Yorodane phanḓa ha Vhaisiraele u swika vha tshi wela wonoyo mulambo, a tshuwiswa+ nga Vhaisiraele.+

2 Nga tshenetsho tshifhinga Yehova a amba na Yoshua a ri: “Ḓiitele phanga nga matombo, u dovhe u fumbise+ vhanna vha Isiraele lwa vhuvhili.” 3 Nga zwenezwo, Yoshua a ita phanga nga matombo, a fumbisa vhanna vha Isiraele ngei Gibiatha-haralothe.*+ 4 Zwo itaho uri Yoshua a vha fumbise ndi hezwi: Vhanna vhoṱhe vhe vha bva Egipita, vhoṱhe vho lugelaho nndwa, vho fela nḓilani ngei sogani musi vha tshi bva ngei Egipita.+ 5 Vhathu vhoṱhe vhe vha bva Egipita vho vha vho fumba, fhedzi vhathu vhoṱhe vho bebwaho nḓilani ngei sogani musi vha tshi bva Egipita vho vha vha sa athu u fumbiswa. 6 Vhaisiraele vho tshimbila miṅwaha ya 40+ ngei sogani u swika lushaka lwoṱhe lu tshi fa lwa vhenevho vhanna vho lugelaho nndwa, vhe vha bva Egipita vha si thetshelese zwe Yehova a amba.+ Yehova o vha anela uri ha nga vha tendeli vha tshi vhona shango+ ḽe Yehova a anela vhomakhulukuku wavho uri u ḓo ri ṋea ḽone,+ shango ḽi elelaho mafhi na mutoli.+ 7 Vho dzhielwa vhudzulo nga vhana vhavho.+ Yoshua a fumbisa vhenevho vhana; vho vha vha songo fumba ngauri a vho ngo fumbiswa musi vhe lwendoni.

8 Musi vho no fhedza u fumbisa lushaka lwoṱhe, vha dzula henefho madenndeni u swika vha tshi fhola.

9 Yehova a amba na Yoshua a ri: “Ṋamusi ndo ni bvisa kha u nyadziwa nga Egipita.” Ndi ngazwo henefho fhethu hu tshi vhidzwa Giligala*+ na ṋamusi.

10 Vhaisiraele vha atha madennde avho henefho Giligala, vha ita Paseka nga ḓuvha ḽa vhu 14 ḽa ṅwedzi,+ nga madekwana, midavhini ya sogani ḽa Yeriko. 11 Vha ḽa zwibveledzwa zwa shango nga murahu ha ḓuvha ḽa Paseka, vha ḽa vhurotho vhu si na mbiliso+ na thoro dzo hadzingwaho, nga ḽeneḽo ḓuvha. 12 Nga ḓuvha ḽi tevhelaho mana ya si tsha dovha ya vha hone musi vho no ḽa zwiṅwe zwa zwibveledzwa zwa shangoni; Vhaisiraele a vho ngo tsha dovha vha wana mana,+ fhedzi vho thoma u ḽa zwibveledzwa zwa shangoni ḽa Kanana nga wonoyo ṅwaha.+

13 Musi Yoshua e tsini na Yeriko, a vhona munna+ o ima phanḓa hawe o fara banga.+ Yoshua a ya khae a vhudzisa a ri: “Naa u ima na riṋe kana u ima na maswina ashu?” 14 A fhindula a ri: “Ndo* ḓa sa mukololo* wa mavhuthu a Yehova.”+ Yoshua a tshi pfa zwenezwo a luvha, a ri: “Muṋe wanga, u ṱoḓa u vhudza mini mushumeli wau?” 15 Mukololo wa mavhuthu a Yehova a fhindula Yoshua a ri: “Bvula thovho* dzi re milenzheni yau, ngauri fhethu he wa ima hone ndi hukhethwa.” Yoshua a ṱavhanya a ita nga u ralo.+