Dziphisalema
Luimbo lwa Davida.
141 Iwe Yehova, ndi vhidzelela iwe.+
Iḓa nga u ṱavhanya u nthuse.+
Nthetshelese musi ndi tshi u vhidzelela.+
2 Ngavhe thabelo yanga i tshi nga zwioro+ phanḓa hau,+
Ngavhe u imisela hanga zwanḓa nṱha zwi tshi nga tshifhiwa tsha thoro tsha nga madekwana.+
3 Iwe Yehova, mmbetshele wa u linda mulomo wanga,
U vhee wa u linda mulomo wanga.+
4 U songo tenda mbilu yanga i tshi sendamela kha vhuvhi,+
Uri i si vhe na mukovhe kha mishumo mivhi ya vhavhi;
Ngavhe ndi sa ḽi zwiḽiwa zwavho.
5 Arali muvhuya a nthwa, u ḓo vha a tshi khou ntsumbedza lufuno lu sa shanduki;+
Arali a nkaidza, zwi ḓo nga u khou shela mapfura ṱhohoni yanga,+
Mapfura ane ṱhoho yanga i si a landule.+
Ndi ḓo dzula ndi tshi vha rabelela musi vhe khomboni.
6 Naho vhahaṱuli vhavho vha tshi poswa fhasi vhe nṱha ha tombo,
Vhathu vha ḓo thetshelesa maipfi anga, ngauri a a takadza.
7 U fana na muthu ane a lima mavu na u a kwashekanya,
Na marambo ashu o balangana Vhiḓani.*
8 Fhedzi maṱo anga o lavhelesa iwe, Yehova Murena Muvhusahoṱhe.+
Ndi khuda nga iwe.
U songo tenda ndi tshi fa.
9 Ntsireledze kha tshikwekwe tshe nda vhetshelwa tshone,
Kha mambule a vhaitazwivhi.
10 Vhavhi vha ḓo fashwa nga mambule avho+
Ngeno nṋe ndi tshi ḓo fhira ndo tsireledzea.