Vhurifhi Ha U Thoma Ha Yohane
2 Vhananga, ndi khou ni ṅwalela zwenezwi uri ni si ite tshivhi. Ane a ita tshivhi a ḓivhe uri ri na Yesu Kristo+ muthusi* o lugaho+ ane a bva kha Khotsi. 2 Ndi ene tshiṱhavhelo+ tsha u pfumelela zwivhi zwashu,+ hu si zwashu fhedzi, u ḓo pfumelela na zwa shango ḽoṱhe.+ 3 Arali ra dzula ri tshi tevhedza milayo yawe, zwi ḓo vhonala uri ri a mu ḓivha. 4 Ane a ri, “Ndi a mu ḓivha,” fhedzi a si tevhedze milayo yawe, u a zwifha, ha na ngoho. 5 Fhedzi ane a tevhedza ipfi ḽawe, ndi ene ane a funa Mudzimu nga ho fhelelaho.+ Arali ra ita zwenezwi, zwi ḓo vhonala uri ri na vhuthihi nae.+ 6 Ane a ri ndi na vhuthihi nae, u tea u dzula a tshi tshila u fana nae.+
7 Vhafunwa, mulayo une nda khou ni ṅwalela a si muswa, ndi mulayo wa kale we na u pfa u bva mathomoni.+ Wonoyu mulayo ni a u ḓivha. 8 Ndi ni ṅwalela mulayo muswa, we inwi na Kristo na u tevhedza, ngauri swiswi ḽi khou fhela, tshedza tsha vhukuma tshi khou vhonetshela.+
9 Ane a ri u tshedzani ngeno a tshi vhenga+ wahawe, u tshee swiswini.+ 10 Ane a funa wahawe u dzula e tshedzani,+ a hu na tshine tsha nga mu khukhula. 11 Fhedzi ane a vhenga wahawe u swiswini, u khou tshimbila swiswini,+ ha ḓivhi hune a ya,+ ngauri swiswi ḽi ita uri a si vhone.
12 Vhananga, ndi khou ni ṅwalela ngauri o ni hangwela zwivhi a tshi itela dzina ḽawe.+ 13 Inwi vhokhotsi, ndi khou ni ṅwalela ngauri ni vho ḓivha we a vha e hone u bva mathomoni. Inwi vhanna vhaṱuku, ndi khou ni ṅwalela ngauri no kunda muvhi.+ Vhananga, ndi khou ni ṅwalela ngauri ni vho ḓivha Khotsi.+ 14 Inwi vhokhotsi, ndi khou ni ṅwalela ngauri ni vho ḓivha we a vha e hone u bva mathomoni. Inwi vhanna vhaṱuku, ndi khou ni ṅwalela ngauri ni na maanḓa,+ ni tenda ipfi ḽa Mudzimu,+ no kunda muvhi.+
15 Ni songo funa shango kana zwi re khaḽo.+ Ane a funa shango, ha funi Khotsi;+ 16 ngauri zwoṱhe zwi re shangoni, nyemulo ya ṋama,+ nyemulo ya maṱo+ na u ṱongisa zwine muthu a vha nazwo a zwi bvi kha Khotsi, ndi zwa shango. 17 Zwiṅwe hafhu, shango ḽi ḓo lovha na nyemulo dzaḽo,+ fhedzi ane a ita zwine Mudzimu a zwi funa u ḓo dzula e hone lini na lini.+
18 Vhananga, ndi awara ya u fhedzisela, samusi no zwi pfa uri hu khou ḓa ane a lwa na Kristo,+ na zwino ho no ḓi vha na vhanzhi vhane vha lwa na Kristo,+ ndi ngazwo ri tshi zwi ḓivha uri ndi awara ya u fhedzisela. 19 Vho vha vhe vhukati hashu, fhedzi vha ri ṱutshela ngauri vho vha vhe si na vhuthihi na riṋe;+ arali vho vha vhe na vhuthihi na riṋe, vho vha vha sa ḓo ri ṱutshela. Fhedzi vho ri ṱutshela uri zwi vhonale uri a si vhoṱhe vha re na vhuthihi na riṋe.+ 20 No ḓodzwa nga Mudzimu Mukhethwa,+ ndi ngazwo noṱhe ni tshi ḓivha ngoho. 21 Ndi khou ni ṅwalela zwenezwi, hu si ngauri a ni ḓivhi ngoho,+ fhedzi ngauri ni a i ḓivha na ngauri ngoho a i na mazwifhi.+
22 Ane a zwifha ndi ane a hanedza uri Yesu ndi Kristo.+ Onoyo u lwa na Kristo,+ u hanedza Khotsi na Murwa. 23 Vhoṱhe vhane vha hanedza Murwa, a vha na vhushaka na Khotsi.+ Fhedzi ane a tenda Murwa,+ u na vhushaka na Khotsi.+ 24 Inwi ni dzule ni tshi tevhedza zwe na zwi pfa u bva mathomoni.+ Arali na dzula ni tshi tevhedza zwe na zwi pfa u bva mathomoni, ni ḓo dzula ni na vhuthihi na Murwa na Khotsi. 25 Zwiṅwe hafhu, o ri fhulufhedzisa vhutshilo vhu sa fheli.+
26 Ndi ni ṅwalela zwenezwi ngauri hu na vhane vha khou lingedza u ni xedza. 27 Inwi no ḓodziwa nga muya wa Mudzimu,+ ni dzula ni na wonoyu muya, a ni tsha ṱoḓa u funzwa nga muthu; fhedzi Mudzimu u shumisa wonoyu muya u ni funza zwithu zwoṱhe,+ ndi wa ngoho, a u zwifhi. Dzulani ni na vhuthihi na Mudzimu samusi muya wo ni funza.+ 28 Vhananga, dzulani ni na vhuthihi nae, uri musi a tshi vhonadzwa ri kone u amba ro vhofholowa,+ ri si shone ra ṱutshela kule nae tshifhingani tsha u vha hone hawe. 29 Arali ni tshi ḓivha uri o luga, ni a ḓivha uri ane a ita zwo lugaho o bebwa ngae.+