Yobo
38 Yehova a fhindula Yobo e kha ḓumbu+ a ri:
2 “Ndi nnyi ane a pikisa nḓila ine nda ita ngayo zwithu
Ane a amba a si na nḓivho?+
3 Ndi humbela uri u ime sa munna;
Ndi u vhudzise, iwe u mphindule.
4 Wo vha u ngafhi musi ndi tshi thea ḽifhasi?+
Mmbudze arali u tshi humbula uri u a zwi ṱalukanya.
5 Ndi nnyi we a ḽi kala, mmbudze arali u tshi zwi ḓivha,
Kana ndi nnyi we a ṱharamudza luṱale lwa u ḽi kala?
6 Mutheo waḽo wo fhaṱiwa kha mini,
Kana ndi nnyi we a vhea tombo ḽaḽo ḽa thikho,+
7 Musi ṋaledzi dza nga matsheloni+ dzi tshi fhululedza nga dakalo,
8 Ndi nnyi we a valela lwanzhe+
Musi lu tshi thuthuba mbumbeloni,
9 Musi ndi tshi lu ambadza makole
Na u lu putela nga swiswi ḽihulu,
10 Musi ndi tshi lu vhetshela mukano wanga
Nda lu hoṋela fhethu halwo,+
11 Nda ri: ‘U nga ḓa wa guma hafha, u songo fhirela phanḓa;
Hafha ndi hune magabelo au a maanḓa a ḓo guma hone’?+
12 Naa wo no vhuya wa amba uri ḓuvha ḽi tshe
Kana wa ita uri mapfuvhi a ḓivhe vhudzulo hao,+
13 Uri ḽi swike magumoni a ḽifhasi
Uri hu ukhuthwe muvhi khaḽo?+
14 Ḽi shandulwa u fana na vumba ḽi re na luswayo,
Zwi re khaḽo zwa tou nga zwi kha tshiambaro.
15 Fhedzi vhavhi vha dzhielwa tshedza,
Tshanḓa tshe tsha vha tsho angalala tshi a vunḓea.
16 Naa wo no vhuya wa tsa wa ya zwisimani zwa lwanzhe
Kana wa tandula mativha?+
18 Naa u a ṱalukanya uri ḽifhasi ndi ḽihulwane lungafhani?+
Mmbudze arali u tshi ḓivha zwenezwi zwoṱhe.
19 Tshedza tshi dzula thungo ifhio?+
Swiswi ḽi dzula ngafhi,
20 Uri u ḽi ise fhethu haḽo
U ṱalukanye nḓila ya u ya hayani haḽo?
21 Naa u ḓivha zwenezwi ngauri wo vha wo no bebwa
Na miṅwaha* yau ndi minzhi?
22 Naa wo no dzhena ḓuluni ḽa mahaḓa,+
Kana wo no vhona ḓulu ḽa tshifhango,+
23 Zwe nda zwi vhetshela musi wa khombo,
Na musi wa nndwa?+
24 Tshedza* tshi vhonetshela tshi tshi bva thungo ifhio,
Muya wa vhubvaḓuvha u vhudzula ḽifhasi u tshi bva ngafhi?+
25 Ndi nnyi we a phula migero ya mikumbela
A vulela nḓila gole ḽa mvula ya maḓumbu na dziphenyo,+
26 Uri mvula ine fhethu hu sa dzuli muthu,
Na sogani hu si na vhathu,+
27 Uri i ṋukadze soga
Na u ita uri hatsi vhu mele?+
29 Mme a gwada ḽa maḓi o omaho ndi nnyi,
Ndi nnyi we a beba mahaḓa a ṱaḓulu+
30 Musi maḓi o oma sa tombo,
Na nṱha ha mativha ho oma?+
31 Naa u nga vhofhekanya tshigwada tsha dziṋaledzi tshine tsha vhidzwa Kima nga dzithambo
Kana u vhofholola thambo dzo vhofhaho tshigwada tsha dziṋaledzi tshine tsha vhidzwa Kesile?+
32 Naa u nga ranga phanḓa tshigwada tsha dziṋaledzi nga khalaṅwaha yatsho
Kana u livhisa tshigwada tsha dziṋaledzi tshine tsha vhidzwa Asha na vhana vhatsho?
33 Naa u a ḓivha milayo i langaho ḽiṱaḓulu,+
Kana u nga shumisa maanḓa ayo kha ḽifhasi?
34 Naa u nga vhidzelela u swika makoleni
Wa ita uri u kumbiwe nga mukumbela?+
35 Naa u a kona u ruma dziphenyo?
Naa dzi ḓo ḓa ha iwe dza ri: ‘Ri fhano!’
37 Ndi nnyi o ṱalifhaho lune a kona u vhala makole,
Kana ndi nnyi ane a nga tevhula mvuvhelo dza maḓi dza ṱaḓulu+
38 Musi buse li tshi shanduka ḽa vha vumba
Na vumba ḽa ḽifhasi ḽa vhumbekana?
39 Naa ndau u nga i zwimela phukha
Kana wa fusha ndawana dzi re na nḓala+
40 Musi dzo shuvhama vhulaloni hadzo
Kana dzo lalela mabakoni adzo?
41 Ndi nnyi ane a ṋea mafunguvhu zwiḽiwa+
Musi mafhondo ao a tshi ṱoḓa thuso kha Mudzimu
A tshi tendeleka nga u shaya zwiḽiwa?