Yobo
37 “Mbilu yanga i tshuwiswa nga zwenezwo
Ya rwa i vhudzuloni hayo.
2 Thetshelesani nga vhuronwane ipfi ḽawe ḽi tshi bvuma
Na mubvumo u bvaho mulomoni wawe.
3 A ita uri u pfale fhasi ha ḽiṱaḓulu ḽoṱhe
A rumela lupenyo+ lwawe magumoni a ḽifhasi.
4 Nga murahu ha pfala ipfi ḽawe ḽi tshi bvuma;
A tshi bvuma nga ipfi ḽihulu,+
Ha lu humisi musi ipfi ḽawe ḽi tshi pfala.
5 Mudzimu u bvuma nga ipfi ḽawe+ nga nḓila i mangadzaho;
U ita zwithu zwihulu zwine ri si kone u zwi pfesesa.+
6 Ngauri u amba na mahaḓa a ri: ‘Wela kha ḽifhasi,’+
A amba na mvula khulu a ri: ‘Shuluwa nga maanḓa.’+
7 Mudzimu u imisa mishumo yoṱhe ya vhathu
Uri vhathu vhoṱhe vha ḓivhe mushumo Wawe.
8 Phukha dzi ya mabakoni adzo
Dza dzula vhulaloni hadzo.
11 U lemedza makole nga murongwe;
U phaḓaladza lupenyo lwawe makoleni;+
12 U a isa ngeno na ngei hune a a ruma hone;
Uri a ite zwoṱhe zwine a a laedza+ kha ḽifhasi.
13 Hu sa londwi uri ndi u pfisa vhuṱungu+ kana ndi u itela shango
Kana u itela lufuno lu sa shanduki, u ita uri zwi itee.+
14 Yobo, thetshelesa zwenezwi;
Fhumula, u humbulisise nga ha mishumo i mangadzaho ya Mudzimu.+
15 Naa u a ḓivha nḓila ine Mudzimu a langa* ngayo makole
Na zwine a zwi ita uri lupenyo lu penye lu tshi bva kha gole ḽawe?
16 Naa u a ḓivha uri makole a papamala nga nḓila-ḓe?+
Yeneyo ndi mishumo i mangadzaho ya Ane a vha na nḓivho yo fhelelaho.+
17 Ndi ngani tshiambaro tshau tshi tshi fhisa
Musi ḽifhasi ḽo ima fhethu huthihi nga nṱhani ha muya u bvaho tshipembe?+
18 Naa iwe u nga ṱharamudza lutombo nae+
Lwo khwaṱhaho u fana na tshivhoni tsha tsimbi?
19 Ri vhudze zwine ra fanela u mu vhudza;
Ri nga si kone u fhindula ngauri ri swiswini.
20 Naa a vhudzwe zwine nda ṱoḓa u zwi amba?
Kana naa hu na we a mu vhudza zwine a fanela u vhudzwa zwone?+
21 A vha koni na u vhona tshedza,*
Naho tshi tshi penya lutomboni,
U swika muya u tshi fhira nga henefho wa balanganya makole.
22 Thungo ya devhula hu bva lunako lwa musuku;
Vhuhulu ha Mudzimu+ vhu a mangadza.
24 Ngauralo, vhathu vha fanela u mu ofha.+
Ha takaleli vhathu vhane vha humbula uri vho ṱalifha.”+