Dziphisalema
Kha mulangi; nga kuimbele kwa Yeduthuni.* Luimbo lwa Davida.
62 Ndi ḓo lindela Mudzimu ndo fhumula.
U tshidzwa hanga hu bva kha ene.+
3 Ni ḓo litsha lini u vutshela munna ni tshi ṱoḓa u mu vhulaya?+
Noṱhe ni nga mutsheṱo wo tshingamaho u re na khombo, une wa nga wa tshifhinga tshiṅwe na tshiṅwe.
4 Ngauri vha a langana uri vha mu wise kha vhuimo hawe ha nṱha;
Vha takadzwa nga u zwifha.
Vha a fhaṱutshedza nga milomo yavho, fhedzi mbiluni dzavho vha a sema.+ (Selah)
6 Ndi ene tombo ḽanga na mutshidzi wanga, vhukhudo hanga;
A thi nga dzinginyei na luthihi.+
7 U tshidzwa hanga na vhugala hanga zwi bva ha Mudzimu.
Mudzimu ndi tombo ḽanga na vhukhudo hanga.+
8 Fhulufhelani ene misi yoṱhe inwi vhathu.
Mu shululeleni zwi re mbiluni dzaṋu.+
Mudzimu ndi vhukhudo hashu.+ (Selah)
9 Vhana vha vhathu vha tou vha mufemo,
Vhana vha vhathu vha tenda zwi siho.+
Musi vha tshi vhewa vhoṱhe kha tshikalo, vha a leluwa u fana na mufemo.+
10 Ni songo fhulufhela vhufhura
Kana u fhulufhela vhuvemu.
Arali lupfumo lwaṋu lwa anda, ni songo vhea mbilu yaṋu khalwo.+
11 Mudzimu o amba luthihi, nṋe nda pfa zwenezwo luvhili:
Uri nungo ndi dza Mudzimu.+