Dziphisalema

34 Ndi ḓo renda Yehova misi yoṱhe;

Ndi ḓo mu renda nga mulomo wanga tshifhinga tshoṱhe.

 2 Ndi ḓo zuwa Yehova;+

Vho vuḓaho vha ḓo zwi pfa vha takala.

 3 Hulisani Yehova ni na nṋe;+

Roṱhe kha ri rende dzina ḽawe.

 5 Vhe vha mu lavhelesa vho penya;

Zwifhaṱuwo zwavho a zwo ngo shoniswa.

 7 Muruṅwa wa Yehova u tsireledza vhane vha Mu ofha,+

Na u vha tshidza.+

 8 Thetshelani ni vhone uri Yehova ndi wavhuḓi;+

Hu takala muthu ane a khuda ngae.

 9 Ofhani Yehova, inwi vhakhethwa vhawe vhoṱhe,

Ngauri vhane vha mu ofha a vha nga shayi tshithu.+

10 Na ndawana dzi re na ma⁠anḓa dzi nga vha na zwiḽiwanyana, dza farwa nga nḓala,

Fhedzi vhane vha ṱoḓa Yehova a vha nga shayi tshithu tshavhuḓi.+

11 Vhana vhanga, iḓani ni nthetshelese;

Ndi ḓo ni funza u ofha Yehova.+

12 Ndi nnyi ane a takalela vhutshilo

A funaho u tshila tshifhinga tshilapfu o takala?+

13 Nga a lange lulimi lwawe uri lu si ambe vhuvhi,+

Mulomo wawe uri u si ambe vhufhura.+

14 A furalele vhuvhi, a ite zwo lugaho;+

A ṱoḓe mulalo, a u tovhole.+

15 Maṱo a Yehova a sedza vho lugaho,+

Nḓevhe dzawe dzi thetshelesa vhane vha ṱoḓa thuso.+

16 Fhedzi Yehova u vhenga vhane vha ita vhuvhi,

U ḓo vha fhelisa uri vha si tsha humbulwa kha ḽifhasi.+

17 Vha lilela Yehova, a vha pfa;+

U vha tshidza maṱunguni avho oṱhe.+

18 Yehova u tsini na vho ṱungufhalaho;+

U tshidza vho kuleaho nungo.+

19 Muvhuya u welwa nga maṱungu manzhi,+

Fhedzi Yehova u mu tshidza khao oṱhe.+

20 U linda marambo awe oṱhe;

A hu na na ḽithihi ḽo vunḓeaho.+

21 Khombo i ḓo vhulaya muvhi;

Vhane vha vhenga vho lugaho vha ḓo vha na mulandu.

22 Yehova u rengulula vhutshilo ha vhashumeli vhawe;

Vhoṱhe vhane vha khuda ngae a vha nga vhi na mulandu.+