Yobo
27 Yobo a bvela phanḓa na nyambedzano yawe a ri:
2 “Ndi ana nga Mudzimu a tshilaho, we a si nkhaṱhule nga nḓila yo teaho,+
Ndi ana nga Ramaanḓaoṱhe a tshilaho, we a nṱungufhadza,+
3 Arali ndi tshi kha ḓi fema
Muya wa Mudzimu u ningoni dzanga,+
4 Mulomo wanga a u nga ambi zwi songo lugaho;
Lulimi lwanga lu nga si ambe vhufhura!
5 Ndi nga amba hani uri inwi vhanna no luga!
Ndi ḓo dzula ndi tshi fhulufhedzea u swika ndi tshi fa!+
7 Ngavhe swina ḽanga ḽi tshi fana na muvhi,
Vhane vha mvutshela vha tshi fana na mutshinyi.
8 Ndi fhulufhelo ḽifhio ḽine muthu a sa ofhi Mudzimu* a vha naḽo musi a tshi fheliswa,+
Musi Mudzimu a tshi dzhia vhutshilo hawe?
9 Naa Mudzimu u ḓo thetshelesa tshililo tshawe
Musi o tsikeledzea?+
10 Kana naa u ḓo wana dakalo kha Ramaanḓaoṱhe?
Naa u ḓo vhidzelela Mudzimu misi yoṱhe?
11 Ndi ḓo u funza nga ha maanḓa a Mudzimu;
A thi nga dzumbi na tshithu na tshithihi nga ha Ramaanḓaoṱhe.
12 Arali noṱhe no vhona mabono,
Ndi ngani mafhungo aṋu e a vhutsilu?
13 Wonoyu ndi mukovhe wa muvhi u bvaho ha Mudzimu,+
Ndi ḽone ifa ḽa vha re na tshiṱuhu ḽi bvaho ha Ramaanḓaoṱhe.
14 Arali vhana vhawe vha vha vhanzhi, vha vhulawa nga banga,+
Vhaḓuhulu vhawe a vha nga vhi na zwiḽiwa zwo eḓanaho.
15 Vho salaho vha ḓo vhulungwa vho vhulawa nga dwadze,
Tshilikadzi dzavho a dzi nga vha lileli.
16 Naho a nga kuvhanganya siḽiva ya nga buse
A vhulunga zwiambaro zwavhuḓi vhunga vumba,
17 Naho a zwi kuvhanganya,
Zwi ḓo ambarwa nga muthu o lugaho,+
A si na mulandu u ḓo kovhekanya siḽiva yawe.
18 Nnḓu ine a i fhaṱa a i nga khwaṱhi u fana na hune tshikhokhonono tsha dzula hone,
U fana na thumba+ yo fhaṱwaho nga mulindi.
19 U ḓo ya u eḓela o pfuma, fhedzi ha nga kuvhanganyi tshithu;
Musi a tshi vuwa, u ḓo wana hu si na tshithu.
20 Zwi ofhisaho zwi mu wela sa mukumbela;
A hwalwa nga ḓumbu vhusiku.+
21 U ḓo hwalwa nga muya wa vhubvaḓuvha, a si tsha vha hone;
Wa mu vhudzulela kule na vhudzulo hawe.+