Yesaya
48 Zwino thetshelesani inwi vha nnḓu ya Yakobo,
Inwi vhane na ḓivhidza nga dzina ḽa Isiraele+
Inwi vhaḓuhulu vha* Yuda,
Inwi vhane na ana nga dzina ḽa Yehova+
Vhane na vhidzelela Mudzimu wa Isiraele,
Naho hu si nga ngoho na nga zwivhuya.+
2 Ngauri vha amba uri vha dzula muḓini mukhethwa+
Vha ṱoḓa u tikedzwa nga Mudzimu wa Isiraele,+
Ane dzina ḽawe a pfi Yehova wa mavhuthu.
3 “Zwithu zwa u thoma zwe nda ni vhudza u bva kale.
Zwo ambiwa nga mulomo wanga,
Nda ita uri zwi ḓivhiwe.+
Nda dzhia vhukando nga u ṱavhanya, zwa itea.+
4 Ngauri ndo vha ndi tshi zwi ḓivha uri ni na swili,
Na uri mitsinga yaṋu i nga tsimbi na phanḓa dzaṋu dzi nga koporo+
5 Ndo ni vhudza u bva kale.
Musi zwi sa athu u itea, ndo ita uri ni zwi pfe,
Uri ni sa ḓo ri, ‘Zwo itwa nga mudzimu wanga wa tshifanyiso;
Tshifanyiso tshanga tsho vhaḓwaho na tshifanyiso tshanga tsha tsimbi zwo amba zwenezwi.’
6 Zwenezwi no zwi pfa na u zwi vhona zwoṱhe.
Naa a ni nga zwi ḓivhadzi?+
U bva zwino ndi khou ni ḓivhadza zwithu zwiswa,+
Zwiphiri zwo dzumbiwaho zwe na vha ni sa zwi ḓivhi.
7 Zwino ndi hone zwi tshi sikwa, a si zwa kale,
Zwithu zwe na vha ni sa athu u zwi pfa u swika ṋamusi,
Uri ni sa ḓo ri, ‘Ndo vha ndi tshi vho zwi ḓivha.’
8 A ni athu u zwi pfa,+ a ni zwi ḓivhi,
Nḓevhe dzaṋu dzo vha dzi tshee dzo dzinga.
9 Fhedzi ndi ḓo humisa mbiti dzanga ndi tshi itela dzina ḽanga;+
Ndi ḓo ḓifara ndi tshi itela uri ndi rendiwe,
A thi nga ḓo ni fhelisa.+
10 Ndo ni kunakisa, fhedzi hu si u fana na siḽiva.+
Ndo ni linga* ṋanḓoni ya maṱungu.+
A thi ṋei muṅwe muthu vhugala hanga.*
12 Nthetshelese, Iwe Yakobo, Iwe Isiraele, we nda u vhidza.
Ndi kha ḓi vha Onouḽa.+ Ndi nṋe wa u thoma na wa u fhedzisela.+
13 Tshanḓa tshanga tsho adza mutheo wa ḽifhasi,+
Tshanḓa tshanga tsha u ḽa tsho adza ḽiṱaḓulu.+
Musi ndi tshi zwi vhidza, zwi a ima zwoṱhe.
14 Kuvhanganani, inwi noṱhe, ni thetshelese.
Ndi ufhio kha midzimu we a vhuya a ḓivhadza zwenezwi zwithu?
Yehova o mu funa.+
15 Ndi nṋe we nda amba, ndo mu vhidza.+
Ndo mu ḓisa, nḓila yawe i ḓo vulea.+
16 Iḓani tsini hanga, ni pfe hezwi.
U bva mathomoni ndo amba ndi si na tshidzumbe.+
Musi zwi tshi itea ndo vha ndi hone.”
Zwino ndo rumiwa nga Yehova Murena Muvhusahoṱhe, a dovha a ruma na muya wawe.
17 Zwe Yehova Murengululi waṋu, Mukhethwa wa Isiraele a zwi amba,+ ndi hezwi:
“Nṋe Yehova ndi Mudzimu waṋu,
Ane a khou ni funza uri ni vhuyelwe,*+
Ane a khou ni livhisa nḓilani ine na fanela u tshimbila khayo.+
18 Arali na thetshelesa ndaela dzanga!+
Dzina ḽavho a ḽi nga lovhi kana u phumulwa phanḓa hanga.”
20 Ibvani Babele!+
Shavhani Vhakaladea!
Zwi ḓivhadzeni nga dakalo! Zwi anḓadzeni!+
Itani uri zwi ḓivhiwe magumoni a ḽifhasi.+
Ni ri: “Yehova o rengulula Yakobo mushumeli wawe.+
21 A vho ngo farwa nga ḓora musi a tshi vha tshimbidza masogani.+
O ita uri maḓi a elele a tshi bva kha tombo a tshi itela vhone;
A fhandula tombo a ita uri maḓi a gubunyee.”+
22 Yehova u ri: “Vhavhi a vha na mulalo.”+