Dotoronomio
32 “Iwe ḽiṱaḓulu, thetshelesa ndi tshi amba,
Na ḽifhasi nga ḽi pfe zwine nda zwi amba.
2 Ndayo yanga i ḓo na sa mvula;
Zwine nda zwi amba zwi ḓo wa sa ṅwando,
Sa vhusuṱo vhu tshi suṱela hatsi
Sa mvula ya mibvumbi i tshi nela zwimela.
3 Ngauri ndi ḓo ḓivhadza dzina ḽa Yehova.+
Ndi ḓo amba nga ha vhuhulu ha Mudzimu washu!+
Ndi murafho u sa fhulufhedzei na wo tshinyalaho!+
Naa a si ene Khotsi aṋu we a ita uri ni vhe hone,+
Ene we a ni vhumba, a ni ṋea maanḓa?
7 Humbula misi ya kale;
Humbula miṅwaha ya mirafho yo fhiraho.
Vhudzisa khotsi au, u ḓo u vhudza;+
Vhudzisa vhahulwane vhau, vha ḓo u anetshela.
8 Musi Wa-Ṱaḓulu-ṱaḓulu a tshi ṋea tshaka ifa ḽadzo,+
Musi a tshi fhandekanya vhana vha Adamu,*+
O vhetshela vhathu mikano+
U ya nga mbalo ya vhana vha Isiraele.+
10 O mu wana sogani,+
Sogani ḽi si na tshithu, hu pfalaho zwivhanda+
O mu tsireledza, a mu ṱhogomela,+
O mu tsireledza sa tshanga ya ḽiṱo ḽawe.+
11 O ita sa goni musi ḽi tshi gudisa mafhondo aḽo u fhufha,
Ḽi tshi linda mafhondo aḽo,
Ḽi tshi ṱharamudza phapha dzaḽo, ḽa a kuvhatedza,
Ḽa a hwala nga phapha dzaḽo,+
12 Ndi Yehova e eṱhe we a mu* ranga phanḓa;+
O vha a si na muṅwe mudzimu wa mazwifhi.+
A mu kanzwa nga mutoli u bvaho kha tombo ḽihulu,
Na mapfura a tshi bva tomboni;
14 Boḓoro ya mafhi a kholomo na mafhi a nngu
Khathihi na nngu dzo nonaho,
Na thutha na zwibokoṱo zwa Bashani
Khathihi na goroi yavhuḓi vhukuma;+
Wo nwa waini i bvaho kha maḓi a nḓirivhe.
15 Musi Yeshuruni* a tshi nona, a vha ḽishandukwa.
Wo nona, wo khwaṱha, wa ḓikukumusa.+
Wa ṱutshela Mudzimu, we a u vhumba,+
Wa nyadza Tombo ḽe ḽa u tshidza.
17 Vho vha vha tshi khou itela madimoni zwiṱhavhelo, hu si Mudzimu,+
Vha itela zwiṱhavhelo midzimu ye vha vha vha sa i ḓivhi,
Vha itela midzimu miswa ya zwenezwino,
Ye vhomakhulukuku waṋu vha vha vha sa i ḓivhi.
19 Musi Yehova a tshi zwi vhona, a vha laṱa,+
Ngauri vharwa vhawe na vhananyana vhawe vho mu sinyusa.
20 A ri: ‘Ndi ḓo vha dzumbela tshifhaṱuwo tshanga;+
Ndi vhone hune vha ḓo fhelela hone.
21 Vho nkhalifhisa* nga midzimu ine i si vhe ya vhukuma;+
Vho ntsinyusa nga midzimu yavho ya zwifanyiso i sa vhuyedzi tshithu.+
Ndi ḓo ita uri vha vhe na vivho ndi tshi shumisa vhathu vha si na mushumo;+
Ndi ḓo vha sinyusa nga lushaka lwa matsilu.+
22 U sinyuwa hanga ho funga mulilo+
Une wa ḓo duga u swika Vhiḓani,*+
U ḓo fhisa ḽifhasi na zwibveledzwa zwaḽo
U ḓo fhisa thikho dza dzithavha.
23 Ndi ḓo vha engedzela khombo;
Misevhe yanga i ḓo fhelela khavho.
24 Vha ḓo fhelelwa nga nungo nga nṱhani ha nḓala+
Vha ḓo vhulawa nga biso na u fheliswa nga nḓila i vhavhaho.+
Ndi ḓo ruma zwivhanda uri zwi vha vhulaye+
Na zwikokovhi zwi re na vhuṱungu zwi kokovhaho buseni.
25 Nnḓa vha ḓo vhulawa nga banga;+
Vha re nga ngomu vha ḓo vhulawa nga nyofho+
Vhaṱhannga na vhasidzana,*
Vhana na vhakalaha.+
26 Ndo vha ndi tshi ḓo ri: “Ndi ḓo vha balanganya;
Nda ita uri vha si tsha humbulwa nga vhathu,”
27 Arali ndi vhe ndi sa ofhi u shoniswa nga swina,+
Ngauri maswina a nga zwifha.+
A nga ri: “Ro kunda nga maanḓa ashu;+
A si Yehova o itaho hezwi zwithu zwoṱhe.”
29 Arali lu vhe lwo ṱalifha!+ Lwo vha lu tshi ḓo zwi elekanya.+
Lwo vha lu tshi ḓo humbula uri lu ḓo fhelela ngafhi.+
30 Muthihi a nga pandamedza hani vha 1 000,
Vhavhili vha nga pandamedza hani vha 10 000?+
Nga nnḓa ha musi Tombo ḽavho ḽo vha laṱa+
Yehova u ḓo vha kumedzela maswina avho.
32 Ngauri munḓirivhe wavho u bva kha munḓirivhe wa Sodoma
U bvaho tsimuni dza Gomora.+
Nḓirivhe dzavho ndi mulimo,
Zwiṱokola zwayo zwi a vhavha.+
33 Waini yavho ndi vhuṱungu ha dziṋowa
Ndi vhuṱungu ha phakhuphakhu dzi re na tshiṱuhu.
34 Naa mishumo yavho a tho ngo i valela,
Nda i vhea ḓuluni ḽanga?+
35 Ndifhedzo na u pfisa vhuṱungu ndi zwanga,+
Na tshifhinga tsho vhewaho musi vha tshi khukhulwa,+
Ḓuvha ḽa khombo yavho ḽi tsini,
Zwo vha lindelaho zwi ḓo swika nga u ṱavhanya.’
36 Ngauri Yehova u ḓo haṱula vhathu vhawe,+
Fhedzi u ḓo pfela vhuṱungu vhashumeli vhawe+
Musi a tshi vhona uri nungo dzavho dzi khou fhela,
Ho sala vha sa koni tshithu na vha si na nungo.
37 Nga zwenezwo u ḓo ri: ‘I ngafhi midzimu yavho,+
Tombo ḽe vha vha vha tshi khuda ngaḽo,
38 Ye ya vha i tshi ḽa mapfura a zwiṱhavhelo zwavho,*
I tshi nwa waini ya zwifhiwa zwavho zwa u nwiwa?+
Nga i takuwe i ni thuse.
Nga i vhe vhukhudo haṋu.
Ndi a vhulaya, ndi a tshidza.+
40 Ngauri ndi imisa tshanḓa tshanga u swika ṱaḓulu,
Nda ana nda ri: “Ndi ana nga nṋe a tshilaho nga hu sa fheli,”+
41 Arali nda ṱuṱula banga ḽanga ḽi penyaho
Nda lugiselela tshanḓa tshanga u itela u haṱula,+
Ndi ḓo lifhedza maswina anga+
Nda lifhedza vhane vha mmbenga.
42 Ndi ḓo ita uri misevhe yanga i kambwe nga malofha,
Banga ḽanga ḽi ḓo ḽa ṋama,
Ḽi ḓo nwa malofha a vho vhulawaho na mathubwa,
Ḽi ḓo ḽa na ṱhoho dza vharangaphanḓa vha swina.’
43 Inwi dzitshaka, takalani na vhathu vhawe,+
Ngauri u ḓo lifhedzela malofha a vhashumeli vhawe,+
U ḓo lifhedza maswina awe+
U ḓo pfumelela* shango ḽa vhathu vhawe.”
44 Nga zwenezwo, Mushe o ḓa a amba maipfi oṱhe a lwonolwo luimbo vhathu vha tshi khou zwi pfa,+ e na Hoshea*+ murwa wa Nunu. 45 Musi Mushe o no fhedza u vhudza Vhaisiraele vhoṱhe maipfi oṱhe a lwonolwu luimbo, 46 a amba navho a ri: “Ni vhulunge maipfi oṱhe a tsevho e nda ni vhudza one ṋamusi+ uri ni kone u funza vhana vhaṋu uri vha tevhedze zwoṱhe zwine wonoyu Mulayo wa zwi amba.+ 47 Ngauri haya mafhungo ndi a ndeme, ndi one vhutshilo haṋu,+ enea mafhungo a ḓo ita uri ni lalame shangoni ḽine na ḓo ḽi dzhia musi ni tshi wela Yorodane.”
48 Nga ḽeneḽo ḓuvha Yehova a amba na Mushe a ri: 49 “Gonya thavhani ya Abarimi,+ Thavhani ya Nebo,+ i re shangoni ḽa Moaba, yo livhanaho na Yeriko, u vhone shango ḽa Kanana, ḽine nda khou ḽi ṋea Vhaisiraele uri ḽi vhe ḽavho.+ 50 Iwe u ḓo fela thavhani yeneyo ine wa ḓo i gonya, wa vhulungwa na vhathu vha hau, u fana na Aroni mukomana wau we a fela Thavhani ya Horo,+ a vhulungwa na vhathu vha hawe 51 ngauri vhuvhili haṋu a no ngo fhulufhedzea kha nṋe vhukati ha Vhaisiraele ngei maḓini a Meriba+ wa Kadese sogani ḽa Zini ngauri a no ngo nnyita mukhethwa phanḓa ha vhathu vha Isiraele.+ 52 Iwe u ḓo vhona shango u kule, fhedzi a u nga dzheni shangoni ḽine nda khou ṋea vhathu vha Isiraele.”+