Mirero

13 Ṅwana wa vhuṱali u ṱanganedza ndayo ya khotsi awe,+

Fhedzi mugoḓi ha thetshelesi musi a tshi kaidzwa.*+

 2 Muthu u ḓo ḽa zwithu zwavhuḓi zwe a zwi wana nga u amba,+

Fhedzi vhane vha vha na tshimbevha vha tama zwa vhuvemu.*

 3 Ane a linda mulomo wawe* u tsireledza vhutshilo hawe,+

Fhedzi ane a vula mulomo wawe u ḓo fheliswa.+

 4 Mubva u na zwine a zwi tama, hone ha na tshithu,+

Fhedzi mushumi wa biko u ḓo fushea.*+

 5 Muvhuya u vhenga mazwifhi,+

Fhedzi zwiito zwa muvhi zwi ḓo ita uri a shone na u nyadziwa.

 6 U luga hu tsireledza ane nḓila yawe i sa solee,+

Fhedzi vhuvhi vhu wisa muitazwivhi.

 7 Hu na ane a ḓiita u nga o pfuma, fhedzi a si na tshithu;+

Hu na muṅwe ane a ḓiita mushai, fhedzi e na lupfumo luhulu.

 8 Mupfumi u rengulula vhutshilo hawe nga lupfumo lwawe,+

Fhedzi mushai ha weli khomboni dzo raloho.+

 9 Tshedza tsha vhavhuya tshi a penya,+

Fhedzi luvhone lwa vhavhi lu ḓo dzimiwa.+

10 U ḓihudza hu ita uri hu vhe na dzinndwa,+

Fhedzi vhuṱali ndi ha vhane vha ṱoḓa nyeletshedzo.*+

11 Lupfumo lwo kuvhanganywaho nga u ṱavhanya lu ḓo fhela,+

Fhedzi lupfumo lwa ane a lu kuvhanganya nga zwiṱuku nga zwiṱuku* lu ḓo anda.

12 Musi u tshi lenga u wana zwe wa zwi lavhelela* zwi lwadza mbilu,+

Fhedzi musi zwine wa zwi tama zwi tshi itea, zwi nga muri wa vhutshilo.+

13 Ane a nyadza ndayo u ḓo pfiswa vhuṱungu,+

Fhedzi ane a ṱhonifha ndaela u ḓo lambedzwa.+

14 Pfunzo ya wa vhuṱali* ndi tshisima tsha vhutshilo+

I humisa muthu zwikwekweni zwa lufu.

15 Ṱhalukanyo i ita uri muthu a takalelwe,

Fhedzi nḓila ya vha re na tshimbevha ndi ya tshiṱuhu.

16 Wa vhuṱali u ita zwithu e na nḓivho,+

Fhedzi tsilu ḽi anḓadza vhutsilu haḽo.+

17 Muḓinḓa muvhi u wela khomboni,+

Fhedzi muḓinḓa a fhulufhedzeaho u ḓisa dzilafho.+

18 Ane a hana ndayo u ḓo shaya, a nyadziwa,

Fhedzi ane a tenda u khakhululwa* u ḓo huliswa.+

19 Musi muthu a tshi wana zwine a zwi tama u a takala,+

Fhedzi tsilu ḽi vhenga u ṱutshela vhuvhi.+

20 Ane a tshimbila na vhaṱali u ḓo ṱalifha,+

Fhedzi ane a konana na matsilu zwi nga si mu tshimbilele zwavhuḓi.+

21 Vhaitazwivhi vha tovholwa nga khombo,+

Fhedzi vhavhuya vha lambedzwa nga zwivhuya.+

22 Wavhuḓi u siela vhaḓuhulu vhawe ifa,

Fhedzi lupfumo lwa muitazwivhi lu ḓo vhulungelwa muvhuya.+

23 Tsimu yo limiwaho ya mushai i ḓo bveledza zwiḽiwa zwinzhi,

Fhedzi i nga kumbiwa nga khaṱhulo i songo teaho.

24 A sa rwi* ṅwana wawe u a mu vhenga,+

Fhedzi ane a mu funa u mu laya nga vhuronwane.*+

25 Muvhuya u a ḽa a fura,+

Fhedzi thumbu ya muvhi a i na tshithu.+