Kha Vhaefesa
3 Nṋe Paulo, ndo farelwaho+ Kristo Yesu na inwi vha dzitshaka— 2 arali no zwi pfa uri Mudzimu o ita uri ndi vhe na vhuḓifhinduleli ha u ni thusa+ uri ni vhuyelwe nga vhuthu vhuhulu hawe he nda sumbedzwa hone hu tshi itelwa inwi, 3 uri o ita uri ndi ḓivhe tshiphiri tshawe tshikhethwa samusi ndo ni ṅwalela nga u pfufhifhadza tshifhingani tsho fhiraho. 4 Musi ni tshi vhala zwenezwi ni ḓo ṱhogomela nḓila ine nda pfesesa ngayo tshiphiri tshikhethwa+ tsha Kristo. 5 Tshenetshi tshiphiri a tsho ngo ḓivhadzwa vhathu kha miṅwe mirafho, samusi zwino tsho dzumbululwa nga muya mukhethwa kha vhaapostola vhawe vhakhethwa na vhaporofita.+ 6 Tshenetshi tshiphiri ndi tsha uri vha dzitshaka vha vhe na vhuthihi na Kristo Yesu nga nṱhani ha mafhungo maḓifha, vha vhe maḽaifa, miraḓo ya muvhili muthihi,+ uri vha wane zwithu zwi fanaho na zwe Mudzimu a ri fhulufhedzisa. 7 Ndo vha mushumeli wa tshenetshi tshiphiri nga nṱhani ha vhuthu vhuhulu ha Mudzimu. O nṋea tshenetshi tshifhiwa a tshi sumbedza maanḓa awe.+
8 Nṋe muṱuku kha vhakhethwa vhoṱhe,+ ndo ṋewa honovhu vhuthu vhuhulu,+ uri ndi ḓivhadze dzitshaka mafhungo maḓifha nga ha lupfumo lwa Kristo lu sa vhalei 9 na u ita uri vhathu vha vhone nḓila ine Mudzimu a langa ngayo tshiphiri tshikhethwa,+ tshe tsha vha tsho dzumbwa u bva kale nga Mudzimu we a sika zwithu zwoṱhe. 10 Zwenezwi zwo itea uri zwino hu ḓivhiwe vhuṱali ha Mudzimu vhune ha vhonala nga nḓila nnzhi dzo fhambanaho, vhu ḓivhadzwe mivhuso na vhavhusi vha re ṱaḓulu hu tshi shumiswa tshivhidzo.+ 11 Zwenezwi zwi tendelana na zwine Mudzimu a funa zwi tshi itwa lini na lini nga he a dzudzanya ngaho, zwi tshimbidzanaho na Kristo+ Yesu Murena washu, 12 onoyo Kristo o itaho uri ri kone u amba ri sa ofhi na u ya kha Mudzimu ro vhofholowa+ ri tshi mu fhulufhela, ngauri ri tenda khae. 13 Ndi humbela uri ni si kulee nungo nga nṱhani ha maṱungu ane nda khou ṱangana nao ndi tshi itela inwi, ngauri a ni ḓisela vhugala.+
14 Ndi ngazwo ndi tshi gwadamela Khotsi, 15 ane miṱa yoṱhe i re ṱaḓulu na i re kha ḽifhasi ya vhidzwa nga dzina ḽawe. 16 Ndi rabela uri Mudzimu a re na vhugala vhuhulu a shumise maanḓa a bvaho kha muya wawe mukhethwa uri a ni khwaṱhise mbilu,+ 17 na uri ni vhe na Kristo mbiluni dzaṋu ngauri ni a mu tenda, ni funane.+ Ngavhe ni tshi ṱoka midzi+ na u farelela kha mutheo wa lutendo,+ 18 uri inwi na vhakhethwa vhoṱhe ni kone u pfesesa nga vhuḓalo vhuphara, vhulapfu, vhunṱha na vhudzivha, 19 na u ḓivha nḓila ine Kristo a ni funa ngayo+ i fhiraho nḓivho, uri ni ḓadzwe nga zwithu zwoṱhe zwine Mudzimu a ni ṋea.
20 Ngauri ri na maanḓa a Mudzimu ane a shuma kha riṋe,+ u a kona u ita zwithu zwihulwane zwi fhiraho zwoṱhe zwine ra nga zwi humbela kana u zwi elekanya,+ 21 nga a rendwe nga nṱhani ha tshivhidzo na Kristo Yesu mirafhoni yoṱhe lini na lini. Amen.