Kha Vhahevheru

2 Ndi ngazwo zwi zwa ndeme uri ri humbulisise nga zwe ra zwi pfa,+ uri ri si bve nḓilani.+ 2 Arali ipfi ḽo ambiwaho hu tshi shumiswa vharuṅwa+ ḽo vha ḽi sa pfukwi, uri ane a pfuka mulayo na u sa thetshelesa, a pfiswe vhuṱungu u tendelana na u haṱula nga nḓila yo teaho,+ 3 ri nga ponyoka hani arali ri si na ndavha na honohu u tshidzwa huhulu?+ Ngauri ho thoma u ambiwa nga ha honoho u tshidzwa hu tshi shumiswa Murena washu,+ vhe vha mu pfa vha zwi khwaṱhisedza, 4 ngeno Mudzimu a tshi khou ṱanziela nga zwiga na zwithu zwi mangadzaho na nga mishumo ya maanḓa+ yo fhambanaho na nga muya mukhethwa we a ri ṋea wone u tendelana na zwine a zwi funa.+

5 Mudzimu ho ngo vhea vharuṅwa uri vha vhuse ḽifhasi ḽi ḓaho,+ ḽine ra khou amba nga haḽo. 6 Muṅwe muthu o vhuya a ṋea vhuṱanzi a ri: “Muthu u tou vha mini u tshi dzula u tshi mu humbula, kana murwa muthu u tou vha mini u tshi mu ṱhogomela?+ 7 Wo ita uri a vhe muṱuku kha vharuṅwa; wa mu ambadza vhugala na khuliso, wa mu vhea uri a vhuse mishumo ya zwanḓa zwau. 8 Wa vhea zwithu zwoṱhe nga fhasi ha milenzhe yawe.”+ Samusi Mudzimu o ita uri a vhuse zwithu zwoṱhe,+ a hu na tshe a si mu ṋee.+ Zwa zwino a ri koni u vhona zwithu zwoṱhe zwine a zwi vhusa.+ 9 Fhedzi zwino ri vhona Yesu o itwaho uri a vhe muṱuku kha vharuṅwa,+ o ambadzwa khare ya vhugala na khuliso nge a tambula u swika a tshi fa,+ uri nga vhuthu vhuhulu ha Mudzimu, a fele vhoṱhe.+

10 Mudzimu we zwithu zwoṱhe zwa sikelwa u hulisa ene, o funa u isa vharwa vhanzhi vhugalani.+ Ndi ngazwo zwo vha zwo tea uri a ite uri Murangaphanḓa Muhulwane+ a tambule uri vha tshidzwe.+ 11 Ngauri vhane vha khou itwa vhakhethwa na ane a ita uri vhathu vha vhe vhakhethwa,+ vhoṱhe vha bva kha khotsi muthihi.+ Ndi ngazwo a sa shoni u vha vhidza vharathu,+ 12 musi a tshi ri: “Ndi ḓo ḓivhadza dzina ḽau kha vharathu vhanga; nda u renda nga nyimbo ndi vhukati ha tshivhidzo.”+ 13 A dovha a ri: “Ndi ḓo mu fhulufhela.”+ Zwiṅwe hafhu a ri: “Vhonani nṋe na vhana vhe Yehova* a nṋea vhone.”+

14 Samusi avho “vhana” vhe vhathu,* na ene o vha muthu u fana navho,+ uri nga u fa hawe a fhelise Diabolo+ ane a vha na maanḓa a u ita uri hu vhe na lufu,+ 15 na uri a vhofholole vhoṱhe vha re phuli vhutshilo havho hoṱhe nga nṱhani ha u ofha lufu.+ 16 Ngauri o ḓa u thusa vhana* vha Abrahamu,+ hu si vharuṅwa. 17 Ndi ngazwo o vha a tshi fanela u fana na “vharathu” vhawe kha zwoṱhe,+ uri a vhe tshifhe muhulu a khathutshelaho na a fhulufhedzeaho musi a tshi ita mishumo ya Mudzimu, uri a ṋekedze tshiṱhavhelo tsha u pfumelela+ zwivhi zwa vhathu.+ 18 Samusi ene o tambudzwa musi a tshi lingwa,+ u a kona u thusa vhane vha khou lingwa.+