Dziphisalema
Luimbo lwa Davida.
29 Inwi vharwa vha vhahali, hulisani Yehova,
Hulisani Yehova ngauri u na vhugala na maanḓa.+
2 Ṋeani Yehova vhugala ho teaho dzina ḽawe.
Gwadamelani Yehova no ḓiṱama nga vhukhethwa.*
3 Ipfi ḽa Yehova ḽi pfala nṱha ha maḓi;
Vhugala ha Mudzimu vhu a bvuma.+
Yehova u nṱha ha maḓi manzhi.+
4 Ipfi ḽa Yehova ḽi na maanḓa;+
Ipfi ḽa Yehova ndi ḽavhuḓi.
5 Ipfi ḽa Yehova ḽi fhandula miṱaululo;
Yehova u vunḓekanya miṱaululo ya Libanoni.+
7 Ipfi ḽa Yehova ḽi funga khavhu dza mulilo;+
8 Ipfi ḽa Yehova ḽi ita uri soga ḽi dzinginyee;+
Yehova u ita uri soga ḽa Kadese+ ḽi dzinginyee.
9 Ipfi ḽa Yehova ḽi ita uri ntsa i tetemele, i dzwale
Ḽi zhaka maḓaka.+
Vhoṱhe vha re thembeleni yawe vha ri: “Vhugala!”
10 Yehova u dzula kha khuluṋoni nṱha ha maḓi a mikumbela;+
Yehova u dzula kha khuluṋoni sa Khosi ya lini na lini.+
11 Yehova u ḓo ṋea vhathu vhawe nungo.+
Yehova u ḓo fhaṱutshedza vhathu vhawe nga mulalo.+