Dziphisalema
Kha mulangi; hu imbiwe luimbo lune lwa ri: “Ntsa Ya Maḓautsha.”* Luimbo lwa Davida.
22 Mudzimu wanga, Mudzimu wanga, ndi ngani wo nṱutshela?+
Ndi ngani u sa ḓi wa ntshidza,
Ndi ngani u sa pfi tshililo tshanga tsha u pfa vhuṱungu?+
2 Iwe Mudzimu wanga, masiari ndi ṱwa ndi tshi u vhidzelela u sa mphinduli;+
Na vhusiku a thi fhumuli.
3 Fhedzi iwe u mukhethwa,+
Wo tangwa nga thendo dza Isiraele.
5 Vho lilela iwe, wa vha tshidza;
Vho fhulufhela iwe, vha si shoniswe.+
6 Fhedzi nṋe ndi tshivhungu, a thi muthu,
Ndi goḓwa nga vhathu, vha a nnyadza.+
7 Vhoṱhe vhane vha mmbona vha a ngoḓa;+
Vha a ntsea vha dzungudza ṱhoho dzavho nga lunyadzo vha ri:+
8 “O ḓikumedza kha Yehova. Nga a mu tshidze!
Nga A mu tshidze, ngauri u a Mu funa!”+
9 Ndi Iwe we wa mbvisa mbumbeloni,+
Ndi Iwe we wa ita uri ndi ḓipfe ndo tsireledzea musi mme anga a tshi mmamisa.
10 Ndo kumedzelwa iwe uri u nṱhogomele u bva tshee nda bebwa;
U bva ndi tshee mbumbeloni ya mme anga, wo vha u Mudzimu wanga.
14 Ndo tevhulwa sa maḓi;
Marambo anga oṱhe o bva vhudzuloni hao.
15 A thi tshee na nungo, ndi vho tou nga ludongo;+
Lulimi lwanga lwo nambatela marinini anga;+
U khou mmbea buseni ḽa lufu.+
16 Ndo tangwa nga dzimmbwa;+
Dzi khou sendela tsini na nṋe sa tshigwada tsha vhaitazwivhi,+
Vha khou ṱhukhukanya zwanḓa zwanga na milenzhe yanga sa ndau.+
17 Marambo anga oṱhe ndi nga a vhala.+
Vha ntsedza nga u tou nzwondolola.
18 Vha kovhekana zwiambaro zwanga,
Tshiambaro tshanga vha tshi itela madeṅwa.+
19 Fhedzi Iwe Yehova, u songo sendela kule hanga.+
Ndi iwe nungo dzanga; ṱavhanya u nthuse.+
20 Ntshidze kha banga,
Tshidza vhutshilo hanga milenzheni ya dzimmbwa.+
21 Ntshidze mulomoni wa ndau+ na kha ṋanga dza ṋari;
Mphindule u ntshidze.
23 Inwi vha ofhaho Yehova, mu rendeni!
Inwi vhana* vhoṱhe vha Yakobo, mu ṋeeni vhugala!+
Mu ofheni, inwi vhana* vhoṱhe vha Isiraele.
24 Ngauri ho ngo nyadza kana u vhenga u tambula ha muthu o tsikeledzeaho;+
Ho ngo mu dzumbela tshifhaṱuwo tshawe.+
Musi a tshi mu lilela a tshi ṱoḓa thuso, o mu pfa.+
25 Ndi ḓo u renda tshivhidzoni tshihulu;+
Ndi ḓo ita zwe nda ana phanḓa ha vhane vha mu ofha.
Ngavhe u tshi ḓiphiṋa nga vhutshilo* lini na lini.
27 Vha thungo dzoṱhe dza ḽifhasi vha ḓo humbula Yehova vha rembulutshela khae.
Tshaka dzoṱhe dzi ḓo gwadama phanḓa hau.+
28 Ngauri vhuhosi ndi ha Yehova;+
U vhusa dzitshaka.
29 Vhoṱhe vho pfumaho kha ḽifhasi vha ḓo ḽa, vha gwadama;
Vhoṱhe vha yaho buseni vha ḓo gwadama phanḓa hawe;
Khavho a hu na ane a nga tsireledza vhutshilo havho.
30 Vhaḓuhulu* vhavho vha ḓo mu shumela;
Murafho u ḓaho u ḓo vhudzwa nga ha Yehova.
31 Vha ḓo ḓa vha amba nga ha u luga hawe.
Vha ḓo vhudza vhathu vha sa athu u bebwa zwe a zwi ita.