Dziphisalema
Kha mulangi. Luimbo lwa Davida.
31 Iwe Yehova, ndi khuda nga iwe.+
U songo tenda ndi tshi shoniswa.+
Ntshidze nga nṱhani ha u luga hau.+
2 Sendedza nḓevhe yau kha nṋe.*
Iḓa nga u ṱavhanya u ntshidze.+
Ivha vhushavhelo hanga ha dzithavhani,
Fhethu ho tsireledzeaho ha u ntshidza.+
3 U tombo ḽanga ḽihulu na vhushavhelo hanga;+
U ḓo ntshimbidza na u nndivhisa u tshi itela dzina ḽau.+
5 Ndi kumedzela vhutshilo hanga zwanḓani zwau.+
Wo nthengulula, Iwe Yehova Mudzimu wa ngoho.*+
6 Ndi vhenga vhane vha ḓikumedzela kha midzimu ya zwifanyiso i sa vhuyedzi tshithu ya mahandana,
Fhedzi nṋe ndi fhulufhela Yehova.
7 Ndi takadzwa vhukuma nga lufuno lwau lu sa shanduki,
Ngauri wo vhona u tambula hanga;+
U a zwi ḓivha uri ndo tsikeledzea nga maanḓa.
8 A wo ngo nkumedzela kha swina,
Fhedzi wo ita uri ndi ime fhethu ho tsireledzeaho.
9 Iwe Yehova, nkhathutshele ngauri ndo tsikeledzea.
Vhuṱungu ho ita uri maṱo anga a nete+ na muvhili wanga u nete.+
Nungo dzanga dzi khou fhungudzea nga nṱhani ha vhukhakhi hanga;
Na marambo anga ho ngo tsha khwaṱha.+
11 Ndi goḓwa nga maswina anga oṱhe,+
Zwihuluhulu vhahura vhanga.
Khonani dzanga dzi tshi mmbona dzi a ofha;
Musi dzi tshi ṱangana na nṋe dzi a ntshavha.+
12 Mbiluni* dzavho ndo no hangwiwa, zwa tou nga ndo fa;
Ndi tou nga mvuvhelo yo kwasheaho.
13 Ndo no pfa phungo mmbi dzo vhalaho;
Ndo tangwa nga zwi ofhisaho.+
Musi vha tshi kuvhangana u itela u lwa na nṋe,
Vha a langana uri vha mmbulaye.+
14 Iwe Yehova, ndi fhulufhela iwe.+
Ndi ri: “U Mudzimu wanga.”+
15 Maḓuvha anga a tshanḓani tshau.
Ntshidze zwanḓani zwa maswina anga na kha vhane vha ntovhola.+
16 Ita uri tshifhaṱuwo tshau tshi penyele mushumeli wau.+
Ntshidze nga lufuno lwau lu sa shanduki.
17 Iwe Yehova, u songo tenda ndi tshi shoniswa musi ndi tshi u vhidzelela.+
18 Ngavhe milomo ya mazwifhi i tshi fhumula,+
Ine ya amba nga u ḓikukumusa na u ḓihudza i tshi nyadza o lugaho.
19 Vhuḓi hau ndi vhuhulu lungafhani!+
Wo vhu vhetshela vhane vha u ofha,+
Wo vhu sumbedza vhathu vhoṱhe u tshi itela vhane vha khuda nga iwe.+
20 U ḓo vha dzumba vhudzumbamoni phanḓa hau+
Hu si na vhukwila ha vhathu;
U ḓo vha dzumba nḓuni yau
Hu si na tsemano ya lulimi.+
21 Yehova nga a rendiwe,
Ngauri nḓila yawe ndi yavhuḓi, o ntsumbedza lufuno lwawe lu sa shanduki+ ndi muḓini wo tangiwaho.+
22 Nṋe nda tshuwa nda ri:
“Ndi ḓo fheliswa phanḓa hau.”+
Fhedzi wo pfa khumbelo yanga musi ndi tshi u lilela.+