Muhuweleli
11 Posa vhurotho hau maḓini,+ ngauri u ḓo dovha wa vhu wana nga murahu ha maḓuvha manzhi.+ 2 Ṋea vhathu vha sumbe kana vha malo mukovhe wa thundu yau,+ ngauri a u ḓivhi khombo ine ya ḓo bvelela kha ḽifhasi.
3 Arali makole o ḓala maḓi, a ḓo nisela ḽifhasi mvula; arali muri wa wela tshipembe kana devhula, u lala henefho fhethu he wa wela hone.
4 Ane a lavhelesa muya ha nga zwali mbeu, na ane a lavhelesa makole ha nga kaṋi.+
5 Samusi u sa ḓivhi nḓila ine marambo a ṅwana a re mbumbeloni ya mme awe a vhumbea ngayo,*+ mushumo wa Mudzimu wa ngoho ane a ita zwithu zwoṱhe a u u ḓivhi.+
6 Zwala mbeu hu tshee matsheloni, tshanḓa tshau tshi songo awela u swika ḽi tshi kovhela;+ ngauri a u ḓivhi ine ya ḓo mela, kana ndi ino kana ndi iḽa kana khamusi dzoṱhe dzi ḓo mela zwavhuḓi.
7 Tshedza ndi tshavhuḓi, ndi zwavhuḓi musi maṱo a tshi vhona ḓuvha. 8 Arali muthu a tshila miṅwaha minzhi nga a ḓiphiṋe ngayo yoṱhe.+ Fhedzi nga a humbule uri maḓuvha a swiswi a nga vha manzhi; zwoṱhe zwi ḓaho ndi mahandana.+
9 Takala iwe muṱhannga, musi u tshi kha ḓi vha muṱuku, mbilu yau i takalele maḓuvha a vhuswa hau. Fara nḓila ine mbilu yau ya i funa, u ye hune maṱo au a u livhisa hone; fhedzi u ḓivhe uri Mudzimu wa ngoho u ḓo u haṱulela* zwenezwo zwithu zwoṱhe.+ 10 Nga zwenezwo, bvisa zwi u dinaho mbiluni yau, u bvise na zwi u dinaho muvhilini wau, ngauri vhuṱuku na vhuswa ndi mahandana.+