Dziphisalema
Kha mulangi. Luimbo lwa vharwa vha Kora.+
49 Inwi vhathu vhoṱhe, ipfani hezwi.
3 Mulomo wanga u ḓo amba vhuṱali,
Na zwine nda elekanya mbiluni yanga+ zwi ḓo sumbedza ṱhalukanyo.
4 Ndi ḓo thetshelesa murero;
Ndi ḓo ṱalutshedza thai yanga musi ndi tshi khou lidza haripa.
5 Ndi ngani ndi tshi fanela u ofha nga zwifhinga zwa khombo,+
Musi ndo tangiwa nga vhuvhi* ha vhane vha khou lingedza u nkunda?
6 Vhane vha fhulufhela lupfumo lwavho+
Na vhane vha zuwa lupfumo lwavho luhulu,+
7 Khavho a hu na ane a nga rengulula wahawe
Kana u ṋea Mudzimu tshirengululi a tshi itela wahawe,+
8 (Mutengo wa tshirengululi tsha vhutshilo havho ndi muhulu
U dzula u nṱha lune vha si kone u u swikelela);
10 U vhona uri na vhathu vho ṱalifhaho vha a fa;
Vha matsilu na vha si na ṱhalukanyo vha a fa,+
Vha siela vhaṅwe lupfumo lwavho.+
11 Lutamo lwavho lwa nga ngomu ndi lwa uri nnḓu dzavho dzi vhe hone lini na lini,
Na uri madennde avho a vhe hone lwa mirafho na mirafho.
Vha ita uri mashango a vhidzwe nga madzina avho.
13 Ndi yone nḓila ya matsilu+
Na ya vhane vha a tevhela, vhane vha takalela maipfi ao a sa vhuyedzi. (Selah)
14 Vha ḓo vhulawa sa nngu, vha ḓo ya Vhiḓani.*
Vha ḓo liswa nga lufu;
O lugaho u ḓo vha vhusa+ ḽi tshi tsha.
A hu tsha ḓo vhonala vhuṱala hoṱhe havho;+
15 Fhedzi Mudzimu u ḓo nthengulula kha maanḓa a Vhiḓa,*+
Ngauri u ḓo mpfara nga tshanḓa. (Selah)
16 U songo ofha u tshi vhona muthu a tshi pfuma,
Lunako lwa nnḓu yawe lu tshi khou engedzea,
17 Ngauri musi a tshi fa a hu na tshine a nga ṱuwa natsho;+
Lunako lwawe a lu nga tsi nae.+
18 Ngauri musi a tshi kha ḓi tshila u a ḓikhoḓa.+
(Vhathu vha a u khoḓa musi u tshi bvelela.)+
19 Fhedzi mafheleloni u tevhela murafho wa vhomakhulukuku wawe.
A vha tsha ḓo vhuya vha vhona tshedza.
20 Muthu ane a si pfesese zwenezwi, naho a tshi huliswa,+
Ha fhiri zwivhanda zwine zwa fa.