Dziphisalema
ל [Lamed]
10 Iwe Yehova, ndi ngani u tshi imela kule?
Ndi ngani u tshi ḓidzumba nga zwifhinga zwa khombo?+
4 Nga u ḓihudza hawe, muvhi ha ṱoḓi Mudzimu;
U dzula a tshi humbula uri: “A hu na Mudzimu.”+
6 Mbiluni yawe u ri: “A thi nga dzinginyiswi nga tshithu;
Kha mirafho na mirafho
A thi nga ṱangani na khombo.”+
פ [Pe]
7 Mulomo wawe wo ḓala maṱamba, mazwifhi na u tshuwisa vhaṅwe;+
Fhasi ha lulimi lwawe hu na khakhathi na u huvhadza.+
8 U lalela tsini na miḓi;
U vhulaya a si na mulandu o dzumbama.+
ע [Ayin]
Maṱo awe o lavhelesa muthu o welaho khomboni.+
9 U lindela e fhethu ho dzumbamaho u fana na ndau i bakoni ḽayo.+
U lindela u fara a si na nungo.
U fara a si na nungo musi a tshi mu fasha nga mambule awe.+
10 U a mu kwashekanya a mu posa fhasi;
Wa khombo u wela zwanḓani zwawe.
11 Mbiluni yawe u ri: “Mudzimu o hangwa.+
O sedza thungo.
Ha vhoni.”+
ק [Qoph]
12 Iwe Yehova Mudzimu, takuwa+ u imise tshanḓa tshau.+
U songo hangwa a si na nungo.+
13 Ndi ngani muvhi a tshi nyadza Mudzimu?
Mbiluni yawe u ri: “A u nga ḓo nndifhedza.”
ר [Resh]
14 Fhedzi iwe u vhona khombo na u tsikeledzea.
U a lavhelesa, wa dzhia vhukando.+
ש [Shin]
16 Yehova ndi Khosi ya lini na lini.+
Tshaka dzo lovha kha ḽifhasi.+
ת [Taw]
17 Fhedzi Iwe Yehova u ḓo thetshelesa khumbelo ya o vuḓaho.+
Iwe u ḓo khwaṱhisa mbilu dzavho+ wa livhisa ṱhogomelo khavho.+